Advertisements

Presidente di Cft Raymond Gradus: “Saba tin stabilidat gubernamental i maneho finansiero na òrdu”

Presidente di Cft Raymond Gradus: “Saba tin stabilidat gubernamental i maneho finansiero na òrdu”

The Bottom – Durante di su bishita riba 23 di òktober Cft a duna Saba kòmplimènt pa e hecho ku el a entregá su dokumentonan presupuestario na tempu i a kontinuá ku su bon maneho finansiero. Ku Kolegio Ehekutivo i Konseho Insular a hiba kòmbersashon riba e proyektonan di rekonstrukshon, kuenta anual di 2017, e konsepto di presupuesto di 2019 i e maneho finansiero.

 

E Kolegio di supervishon finansiero Bonaire, Sint Eustatius i Saba (Cft) resientemente a emití su konseho riba e konsepto di presupuesto di 2019. Ounke esaki ta kumpli ku e eksigensianan ku lei ta preskribí, Saba no ta permití di reservá fondonan pa pago obligatorio di fiansa. Mester hasi e pago ku e plaka ku ta disponibel, pa kual meta tin un suma ku ta sufisiente.  

 

Saba a entregá su kuenta anual di 2017 na tempu. E kuenta anual tin un resultado positivo di aproksimadamente USD 1,2 mion, i pa di kuater aña esaki a risibí un un deklarashon aprobatorio di akountent. Presidente di Cft Raymond Gradus: “Saba sa kon pa mantené su maneho finansiero riba un bon nivel”. Ehekushon di e presupuesto di 2018 no ta mustra ningun partikularidat.

 

Durante di bishita di Cft na Saba a opservá renobashon di e aeropuerto i a deliberá riba e plannan di rekonstrukshon i ampliashon di e haf marítimo. Pa e proyektonan aki i otro mas gobièrnu hulandes a pone sumanan kuantioso disponibel.

 

Esaki tabata alabes e promé bishita di señor Henk Kamp. Riba 1 di yüli Señor Kamp a bira susesor di señora Sybilla Dekker. Entrante 1 di yüli Cft BES ta konsistí di presidente Raymond Gradus, miembro riba proposishon di BES Herbert Domacassé i miembro riba proposishon di Hulanda Henk Kamp.

 

Advertisements
error: Content is protected !!
%d bloggers like this: