Advertisements

Na Hulanda….. CTB a sera kampaña ‘De Leukste Straat van Nederland’ ku Fiesta den Kaya / In the Netherlands … Street Party Closing the CTB’s “Coolest Street in Holland” Campaign

Na Hulanda….. CTB a sera kampaña ‘De Leukste Straat van Nederland’ ku Fiesta den Kaya

WILLEMSTAD – 26 di òktober 2018 –  Resientemente a tuma lugá na Hulanda kulminashon di e kampaña di Ofisina di Turismo di Kòrsou (CTB) yamá ‘De Leukste Straat van Nederland’. Durante temporada di zomer  a pidi públiko hulandes pa traha un video kòrtiku den kua nan ta splika dikon nan kaya ta esun mas great di Hulanda. Despues ku públiko a vota pa e mihó 10 videonan, CTB a tuma e desishon final. E ganadó su kaya a keda transformá kompletamente den esfera di  Kòrsou durante di e ‘Nationale Burendag’.

Yarah, habitante di De Kersenakker na Utrecht, Hulanda a pèrkurá pa su video sobresalí entre tur video ku a keda mandá aden, i asina a bira e ganadó di e kampaña ‘De Leukste Straat van Nederland’. E selebrashon tabata hopi spesial. E ganadó Yarah, a komentá ku kasi e no por a rekonosé su kaya mas. “Tabatin algu pa tur edat, pero finalmente e meta tabata pa nos por a festehá estilo di Kòrsou ku tur bisiña. Ta p’esei nos ta ‘De Leukste Straat van Nederland’.

E Chef yu di Kòrsou, Justin Niessen a pèrkurá pa tur hende disfrutá di un kushina netamente ‘krioyo’ inkluyendo un barbekiú estilo di Kòrsou. Brasbènt K-RIBE a sòru pa pone e habitantenan baila i selebrá nan título komo ‘De Leukste Straat van Nederland’. Durante di e ‘fiesta den kaya’ CTB a rifa un biahe di 9 dia pa Kòrsou, pa 4 persona inkluyendo estadia na Santa Barbara Beach & Golf Resort Curaçao. Famia Vennooij a resultá ganadó di e fakansi aki. CTB por mira bèk riba un eksitoso kampaña promoshonal na Hulanda.

=====================

 

In the Netherlands … Street Party Closing the CTB’s “Coolest Street in Holland” Campaign

WILLEMSTAD – October 26, 2018 – The Coolest Street in Holland campaign, organized in the Netherlands by the Curaçao Tourist Board (CTB), recently came to an end. During the summer season, the Dutch public was asked to make a short video explaining why their street is the “coolest street” in the Netherlands. After the top-10 submissions were chosen by public vote, the CTB made the final decision, and the winning street was completely transformed into a Curaçao-themed avenue on National Neighborhood Day.

Yarah, who lives at De Kersenakker in the province of Utrecht in the Netherlands, managed to make her submission stand out from among all others, becoming the winner of the Coolest Street in Holland campaign. The celebration was truly special. Yarah remarks that she could hardly recognize her street. “There was something for all ages. In the end, we were there to celebrate together with all our neighbors, “Curaçao style.” That’s exactly what makes us “the Coolest Street in Holland.”

Curaçaoan Chef Justin Niessen provided everybody with the delightful “krioyo” (creole) Curaçao cuisine, including a Curaçao-style BBQ. The brass band K-RIBE got the neighbors on their feet to dance and celebrate their new title as the “Coolest Street in Holland.” At the “street party,” the CTB raffled off a 9-day trip to Curaçao for 4, with stay at the Santa Barbara Beach & Golf Resort Curaçao, which ended up going to the Vennooij family. The CTB can certainly look back at a successful promotional campaign in the Netherlands.

 

 

 

Leukste Straat van Nederland. Kersenakker 7, Cothen

 

Leukste Straat van Nederland. Kersenakker 7, Cothen

 

Leukste Straat van Nederland. Kersenakker 7, Cothen

 

Leukste Straat van Nederland. Kersenakker 7, Cothen

 

Leukste Straat van Nederland. Kersenakker 7, Cothen
Advertisements
%d bloggers like this: