Advertisements

ACU ta tene un seminario grátis pa su sosionan

ACU ta tene un seminario grátis pa su sosionan

 

Willemstad – Kumpliendo ku prinsipio kooperativista number 5, kual ta edukashon kontinuo di sosionan, ACU ta organisá un seminario grátis ku e tema prinsipal “Importansia di Compliance i Due Dilligence den un Kooperativa di Spar i Krédito”. E seminario ta e último aktividat den e seri di 3 aktividat ku ACU a organisá den kuadro di selebrashon di e di 70 edishon di Dia Internashonal di Kooperativa di Spar i Krédito.

A yega na e tema “Importansia di Compliance i Due Dilligence den un Kooperativa di Spar i Krédito”, mirando ACU su responsabilidat pa salbaguardiá stabilidat pa tur sosio den presente i futuro. E oradónan den e seminario ta señora Marjolaine Jardinier di “Compliance & Forensic Services Caribbean” ku lo papia di importansia di “Compliance”, siguí pa señora Erika de Windt di Banko Sentral di Kòrsou i Sint Maarten ku lo papia di e lei i regulashonnan ku ta regulá “Compliance” i por último nos lo tin direktor di ACU mes, señor Emauro Scoop, ku lo duna un splikashon di e eksigensianan internashonal basá riba tratadonan firmá. E seminario lo tuma lugá dia 29 di òktober próksimo di 6’or pa 9’or di anochi den ouditorio di WTC.

ACU ta invitá tur su sosionan pa registrá pa partisipá na e seminario aki ku ta kompletamente grátis. Pa mas informashon i/ òf pa registrashon por tuma kontakto via telefòn ku ACU na 434-7100 òf via e-mail na info@acu.cw. Tambe por haña informashon via página di Facebook di ACU (AcuCuracao) i via ACU su wèpsait www.acu.cw.

 

Advertisements
error: Content is protected !!
%d bloggers like this: