Advertisements

Minister Zita Jesus-Leito a reuní ku presidente di Komishon Nashonal di Infrastruktura di Inglatera

Minister Zita Jesus-Leito a reuní ku presidente di Komishon Nashonal di Infrastruktura di Inglatera

Willemstad – Dia 24 di òktober último, Minister Zita Jesus-Leito a reuní ku sr. Sir John Armitt. Sir John Armitt ta un profeshonal eksperto riba tereno di infrastruktura hopi respetá i di gran influensha na Inglatera. E ta tambe presidente di e Komishon Nashonal di Infrastruktura (NIC) di Inglatera. NIC a keda lantá pa duna Gobièrnu di Inglatera konsehonan imparsial i profeshonal riba e tereno di infrastruktura. 

Durante e enkuentro, ku tabata den un ambiente hopi ameno, Minister Zita Jesus-Leito a toka temanan relashoná ku e ròl i funshonamentu di NIC na Inglatera, posibel implementashon di e instrumento aki na Kòrsou, i a profundisá riba modelonan pa transporte públiko i planifikashon di infrastruktura.

Na final di e enkuentro, komo muestra di apresio, Minister Zita Jesus-Leito a hasi entrega di un opsekio den forma di un Chichi na Sir John Armitt. E gesto aki a keda masha apresiá pa e presidente di NIC, i di su parti el a ofresé tur sosten kaminda esaki ta rekerí pa realisashon di maneho di mobilidat i infrastruktura di Ministerio di Tráfiko, Transporte i Planifikashon Urbano na Kòrsou.

Advertisements
error: Content is protected !!
%d bloggers like this: