Advertisements

LIGA MCB PROMÉ DIVISHON TA RANKA SALI DJADUMINGU 28 DI ÒKTOBER DEN SDK, 6’OR DI ATARDI! JONG HOLLAND VS SUBT

LIGA MCB PROMÉ DIVISHON TA RANKA SALI DJADUMINGU 28 DI ÒKTOBER DEN SDK, 6’OR DI ATARDI! JONG HOLLAND VS SUBT

 

Despues di un tremendo Kampionato aña pasa, FFK i MCB ta anunsiá e Gran Apertura di Liga MCB Promé Divishon ku lo tuma lugá djadumingu, 28 di òktober 2018 den Stadion Ergilio Hato (SDK) 6’or di atardi.

E dos ekiponan ku lo mira akshon den e Gran Apertura di Liga MCB Promé Divishon ta e ekipo kampion di Liga MCB Promé Divishon 17/18, Jong Holland i Subt ku ta e ekipo kampion di Liga MCB Segundo Divishon 17/18, ku a promové pa Promé Divishon.

 

E aña aki Liga MCB ta wòrdu dediká na e siguiente baluartenan; Sr. Donald Gosepa (eks hungadó), Sr. Lesly Melfor (eks hungadó), Sr. Hector Weert (eks rèfri), Sr. Rolando Goeloe (eks dirigente administrativo) i Sr. Eulogio Leocadia (eks masahista). E personanan aki ta tin un kontribushon enorme na e desaroyo di e deporte rei, futbòl. P’esei nan lo wòrdu homenagiá i FFK lo dediká e kampionato di e aña aki na nan.

 

Porta nan lo ta habri for di 4’or di atardi i karchinan lo ta optenibel na lokèt di SDK promé ku wega. E entrada pa e wega di apertura ta kosta 10 florin pa adulto miéntras mucha di 6 te ku 12 aña i 60+ ta kosta fl.5,-.

 

E partidonan di Liga MCB Promé Divishon lo tuma lugá den Stadion Ergilio Hato (SDK) i Stadion Antoine Maduro (SUBT). Mayoria wega ta wòrdu hungá den wikènt esta, djabièrnè, djasabra i djadumingu pero lo bai tin tambe algun partido ku lo kai den siman i tur e weganan lo wòrdu dirigí pa árbitronan afiliá na FFK.

Preis pa kampionato regular ta 6 florin pa adulto miéntras 60+ i mucha di 6 te ku 12 aña ta kosta fl.2.50.

 

E ekiponan ku lo partisipá na Liga MCB Promé Divishon ta lo siguiente:

  1. Jong Holland
  2. Vesta
  3. Undeba
  4. Inter Willemstad
  5. Scherpenheuvel
  6. Centro Dominguito
  7. Victory Boys
  8. Centro Barber
  9. Jong Colombia
  10. Subt

 

Skema Liga MCB Promé Divishon, blòk 1:

Djadumingu 28 òkt. 18   18.00 JONG HOLLAND vs SUBT SDK 
Djabièrnè 2 nov.18  20.00 VESTA vs CSD BARBER SDK 
Djasabra 3 nov. 18  19.00 JONG COLOMBIA vs SCHERPENHEUVEL SDK 
 21.00 C. DOMINGUTO vs UNDEBA  
Djadumingu 4 nov. 18  18.00 VICTORY BOYS vs WILLEMSTAD SDK 

 

Liga MCB Segundo Divishon ta inisiá djaluna 29 di òktober próksimo ku 2 tremendo partido na tereno di FFK i SDK. E promé enkuentro lo ta entre Deportivo Sta. Rosa i U.D. Tera Kòrá pa mitar di 8 di anochi i na mes momentu Atomic lo enfrentá Inter Willemstad, e ekipo kampion di Liga MCB Terser Divishon 17-18 ku a promové pa Segundo Divishon.

Tur partido di Liga MCB Segundo Divishon lo tuma lugá na tereno di FFK ku SDK i e partidonan aki ta kosta solamente fl.3,- pa tur hende.

 

E ekiponan ku ta partisipá na Liga MCB Segundo Divishon ta lo siguiente:

 

  1. Hubentut Fortuna
  2. Mahuma
  3. Deportivo Sta. Rosa
  4. U.D. Tera Kòrá
  5. De Koning
  6. Atomic
  7. Sithoc
  8. Indekor
  9. New Song
  10. Inter Willemstad

 

Skema Liga MCB Segundo Divishon, blòk 1:

Djaluna 29 òkt. 18   19.30 Dep. Sta Rosa vs U.D. Tera Kòrá SDK
   19.30 Atomic vs Inter Willemstad FFK
Djarason 31 òkt. 18  19.30 Hub. Fortuna vs FC Sithoc FFK
Djaweps 1 nov. 18  19.30 De Koning vs C.H. Mahuma FFK
Djabièrnè 2 nov. 18  19.30 Indekor vs New Song FFK

 

Un yamada ta bai na hinter e pueblo di Kòrsou pa asistí na e Gran Apertura di Liga MCB Promé i Segundo Divishon ku ta ranka sali djadumingu aki 28 di òktober, miéntras Liga MCB Segundo Divishon lo inisiá djaluna 29 di òktober.

Bin pasa un ratu ameno den kompania di bo famia i disfrutá di bo deporte preferí, e deporte rei, futbòl!

 

MCB i FFK ta wardabo!

Advertisements
%d bloggers like this: