Advertisements

KOMUNIKADO DI KUERPO POLISIAL KÒRSOU Detenshon pa menasa ku arma di kandela.

KOMUNIKADO DI KUERPO POLISIAL KÒRSOU

438 / 2018

25 òktober 2018

Detenshon pa menasa ku arma di kandela.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 25 òktober 2018, alrededor di 10.30or di mainta, personal di reshèrshi (VVC) riba òrdu di Ministerio Públiko a detené un hòmber sospechoso. E detenshon a tuma lugá na un kas den área di Veeris relashoná ku un kaso di menasa ku arma di kandela kontra di su bisiña ku a tuma lugá dia 28 di sèptèmber 2018.
Ta trata di e hòmber R.J.J, nasé na Kòrsou di 48 aña di edat.
Kontinuando ku e investigashon, polis a tene un entrada hudisial na kas di e sospechoso, i a haña i konfiská 12 bala skèrpi.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.

 

Advertisements
error: Content is protected !!
%d bloggers like this: