Advertisements

Elsa Rozendal di MAN tambe ta di opinion ku mester keda invertí den enseñansa

Elsa Rozendal di MAN tambe ta di opinion ku mester keda invertí den enseñansa

Na kuminsamentu di e luna aki parlamentario Rozendal a manda karta pa Minister di Enseñansa, señora Alcalá Wallé, den kual e ta indiká ku pa frakshon di MAN, enseñansa ta un di e pilarnan pa forma un sosiedat di hendenan sivilisá, ku kapasidat pa por analisá i pensa krítiko, ku por aportá positivamente na nos komunidat.

Rozendal a indiká tambe den mesun karta ku, si nos ta konsiente di e echo aki, ta nifiká ku nos mester yuist invertí mas sèn den enseñansa en bes di kòrta.

Den e kuadro aki Rozendal por haña su mes den e puntonan ku VPCO a trese dilanti resientemente.

Rozendal den su karta ku e a dirigí na minister di enseñansa na komienso di òktober a enfatisá tambe riba importansia pa eliminá desperdisio den enseñansa i tambe pa usa fondonan disponibel mas efisiente.

Rozendal ta spera ku Minister di Enseñansa ta hasi su máksimo esfuerso pa garantisá ku por atendé ku tur e retonan den enseñansa i ku ta sobra sèn pa realmente invertí den enseñansa.

Advertisements
%d bloggers like this: