Advertisements

Eliminá florin pa receptregel ta moshon pasá ku votonan general na 2017

Eliminá florin pa receptregel ta moshon pasá ku votonan general na 2017

 Dia tres di mart 2017 Parlamento a pasa ku votonan general un moshon pa eliminá e receptregelvergoeding.

Kobransa di un florin pa receptregel a hasi su entrada di promé di febrüari 2013 na momentu ku e lei di Seguro Básiko a drenta na vigor.

E moshon, un inisiativa di frakshon di Movementu Progresivo, ta basá riba e echo ku e medida aki a resultá negativo pa ku e aksesibilidat di remedi. Opinion di pueblo ta ku vários hende ku mester di nan remedi ta keda sin tuma nan remedi pa motibu ku nan no tin e florin pa kada regel di remedi.

Prinsipalmente e hendenan di ménos rekurso manera e grupo di penshonado, kobradónan di ònderstant i e grupo di mamanan soltero tin hopi difikultat pa pagá e florin pa remedi aki.

Tambe e echo ku e departamento di emergensia di Sint Elisabeth Hospitaal a tuma nota di un oumento di hendenan ku ta akudí na e departamento aki den estado di emergensia pa motibu ku nan no por a pagá e florin pa receptregel.

Movementu Progresivo ta sumamente kontentu ku nò solamente parlamentario Giselle Mc William pero parlamento kompleto ta riba un liña pa loke ta interes di pueblo, den e kaso aki eliminashon di e florin pa receptregel

Tumando na kuenta ku gobernashon ta kontinuashon e moshon aki, ku a karga sosten di henter Parlamento, ketu bai ta na vigor.

Ta toka turno na Gobièrnu pa ehekutá e moshon aki pa asina trese bek aksesibilidat grátis na remedi pa tur esnan ya ariba menshoná den e tempu difísil aki.

Marilyn Moses

Movementu Progresivo

 

Advertisements
%d bloggers like this: