Advertisements

Parlamentario Curtley Obispo: Ta un hecho ku e Florin Karibense ta regla den leinan di Kòrsou for di 10 òktober 2010!

Ta un hecho ku e Florin Karibense ta regla den leinan di Kòrsou for di 10 òktober 2010!.

Parlamentario Curtley Obispo durante e reunion públiko di Parlamento di Kòrsou a base di dokumentonan a mustra bon kla ku den leinan di Pais Kòrsou e Florin Karibense ta regla for di 10 òktober 2010.  Artíkulo 38 insiso 1 di Statüt di Reino Hulandes ta indiká ku Kòrsou, Hulanda, Aruba i Sint Maarten por sera akuerdonan mutuo (kunnen onderling regelingen treffen). A base di artíkulo 38 insiso 1 di Statüt di Reino Hulandes, Pais Kòrsou i Pais Sint Maarten a skohe pa huntu for di 10 òktober 2010 forma un union monetario i un Banko Sentral di Kòrsou i Sint Maarten. Den kuadro di e union monetario aki a akordá tambe e introdukshon di e Florin Karibense. Konkretamente e akuerdo mutuo aki ta regla e siguiente 4 puntonan: (1) e Centrale Bank Statuut voor Curaçao en Sint Maarten; (2) e Regeling Gemeenschappelijk Geldstelsel Curaçao en Sint Maarten, (3) e Regeling Deviezenverkeer Curaçao en Sint Maarten i (4) e Regeling Wisselkoers Caribische gulden. 

Areglo di Estado di Kòrsou, nos lei máksimo, tambe ta indiká den artíkulo 88 ku ta regla e sistema monetario mediante lei. Den e lei den e A.B. 2010 no. 87 – Bijlage -W-(“Kadervaststellingslandsverordening centrale bank, geldstelsel, deviezen-verkeer en wisselkoers”), e 4 puntonan ariba menshoná ta regla for di 10 òktober 2010.

Pues ta un hecho konkreto ku e Florin Karibense ta regla den artíkulo nan di lei di Kòrsou for di 10 òktober 2010  i e realidat ta ku no a implementele i te ainda despues di 8 aña di Pais Kòrsou ketu bai ta usando e Florin Antiano Ulandes. E florin karibense (CMg) tin e mesun balor ku e Florin Antiano Ulandes (NAf) i ta legalmente mará na e dòler Merikano kontra e paridat di USD1 = CMg 1.79

 

Advertisements
error: Content is protected !!
%d bloggers like this: