Advertisements

KOMUNIKADO DI KUERPO POLISIAL KÒRSOU Un detenshon i dama heridá.

KOMUNIKADO DI KUERPO POLISIAL KÒRSOU

430 / 2018

19 òktober 2018

Un detenshon i dama heridá.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 19 di òktober 2018, den oranan di mardugá, durante ku e undidat di Mantenshon di Órden Públiko tabata patruyá, riba na e krusada Winstonchurchillweg/Seru Fortunaweg, nan a topa ku un outo di kual e shofur tabata kore di un forma sospechoso. Polis a duna e shofùr inmediatamente òrdu pa para, pero e no a duna oido na esaki. El a hisa velosidat i kore bai.
Polis a start un persekushon te den área di Stenen Koraal. Durante di e persekushon, e vehíkulo polisial a aksidentá kontra outo di e sospechoso.
Na e momentu ei, e agentenan a baha pa bai kontrolá e shofùr i e ko-okupante ku tabata den e vehíkulo.
En bista di e sirkunstansianan presente na e momentu ei na e sitio, e polisnan a aserka e vehíkulo aki ku e koutela nesesario pa nan seguridat i tabata durante di un interkambio ku e shofùr, ku un bala a sali aksidentalmente for di arma reglamentario i alkansá e dama ko-okupante na e parti ariba di su kurpa.
Ku ambulans a transportá e víktima pa hospital pa tratamentu médiko, miéntras ku polis a detené e hòmber S.G.R. di 22 aña di edat pa no sigui òrdu di polis.
E kaso aki ta den investigashon.

 

Advertisements
error: Content is protected !!
%d bloggers like this: