Advertisements

Parlamentario Curtley Obispo: Dikon no a implementá e Florin Karibense den e promé añanan di Pais Kòrsou i despues?

Parlamentario Curtley Obispo: Dikon no a implementá e Florin Karibense den e promé añanan di Pais Kòrsou i despues?

 

Parlamentario Curtley Obispo durante e reunion públiko di Parlamento di Kòrsou den kuadro di trese mas klaridat i mas informashon pa Pueblo di Kòrsou, a para ketu na e pasado, e presente i e futuro pa loke ta trata e Florin Karibense.

Ta un hecho konkreto ku e Florin Karibense ta regla den leinan di Pais Kòrsou for di 10 òktober 2010 i mester a ehekutá esei den e promé añanan di Pais Kòrsou i despues, kual ta lanta e pregunta dikon ta diskutiendo ketu bai den aña 2018 riba e Florin Karibense. P’esei durante e reunion aki, parlamentario Curtley Obispo a hasi 12 preguntanan konkreto na Minister di Finansa pa asina Pueblo di Kòrsou haña mas klaridat i mas informashon pa loke ta e pasado, e presente i e futuro di e Florin Karibense. Banda di e preguntanan aki, parlamentario Curtley Obispo tabata ke sa kua ta e status di e proseso pa restablesé e imágen di nos Banko Sentral di Kòrsou i Sint Maarten tantu riba tereno lokal i internashonal?. Kon leu ta ku e evaluashon di e union monetario entre Kòrsou i Sint Maarten? Kon leu ta ku evaluashon di funshonamentu di Banko Sentral di Kòrsou i Sint Maarten riba rekomendashonnan di diferente rapòrtnan eksistente?.

A base di komunikadonan, e gerensia anterior di Banko Sentral di Kòrsou i Sint Maarten na diferente okashon a anunsiá ku lo mester a introdusí e Florin Karibense na aña 2012. A base di e echo aki, parlamentario Curtley Obispo tabata ke sa dikon no a logra implementá esaki na aña 2012 i despues? Kua tabata e NO GO’S nan pa loke ta trata e Florin Karibense promé ku e gerensia aktual di Banko Sentral di Kòrsou i Sint Maarten a wòrdu instalá?. Tambe e tabata ke sa kiko ta e vishon di Gobièrnu di Kòrsou i e gerensia aktual di Banko Sentral di Kòrsou i Sint Maarten pa loke ta trata e Florin Karibense.   

 

Advertisements
error: Content is protected !!
%d bloggers like this: