Advertisements

SEÑOR HENRI “HENNY” CORNELIA NOMBRA PRESIDENTE NOBO DI SENTRO KULTURAL KORSOU.

SEÑOR HENRI “HENNY” CORNELIA NOMBRA PRESIDENTE NOBO DI SENTRO KULTURAL KORSOU.

Resientemente señor Henri Cornelia a keda nombrá komo Presidente nobo di Sentro Kultural Kòrsou (CCC). Señor Cornelia ta bira susesor di señor Elvio Cijntje kende despues di 32 aña komo miembro di direktiva di CCC, di kual 21 aña komo presidente di e organisashon, ta stòp ku su aktividatnan. Señor Cornelia ta un persona ku tin amplio konosementu riba e area di kultura, komo músikal, i ku a ehersé diferente funshon den servisio komunitario, komo soshal, pa diferente organisashon den  nos komunidat.

Señor Cornelia a nanse na Kòrsou i a kaba su HTS na Hulanda. Dia 1 di aprel 2018 señor Cornelia a bira un penshonado di Refineria Isla, despues di a ehersé diferente funshon di maneho den e kompania. Ultimo añanan e tabata Gerente di Relashon Públiko.  Durante diferente aña e a ehersé e funshon di Presidente di Klup Asiento na Rust & Burgh i tambe e tabata Presidente di e Grupo di Karnaval di Adulto di Refineria Isla. Señor Cornelia tabata miembro di e organisashonnan di karnaval FOKA i FuDeKa, alabes tabata e promé presidente di AGKK, e Asosiashon di Gruponan di Karnaval di Kòrsou. Aktualmente e ta Presidente di VGKS. Pa lokual ta su afinashon musikal señor Cornelia ta un músiko ku ta toka i ta duna formashon musikal kon ta toka “steelband”. Ya pa 13 aña e tin su propio banda di “Steelband” ku ta konsistí di 7 persona.

Ku atkisishon di señor Cornelia Sentro Kultural Kòrsou ta konvensí di ta disponé di e remplaso ideal i adekuá ku por sigui e pasonan di señor Elvio Cijntje den e instituto.

Tantu miembronan di direktiva komo personal di Sentro Kultural Kòrsou ta deseá Henri tur klase di éksito den su funshon nobo komo Presidente di CCC.

 

 

Advertisements
error: Content is protected !!
%d bloggers like this: