Advertisements

KOMUNIKADO DI KUERPO POLISIAL KÒRSOU Detenshon di kuater hòmber sospechoso.

KOMUNIKADO DI KUERPO POLISIAL KÒRSOU

426 / 2018

16 òktober 2018

Detenshon di kuater hòmber sospechoso.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 16 di òktober 2018, alrededor di 11.32 or, Sentral di Polis a risibí informashon ku algun hòmber sospechoso tabata hinka algun kaha probablemente prosedente di ladronisia den un ven. E ven a keda señalá den área di Gibraltar. Mesora personal di Tim di Mantenshon di Òrden Públiko a kuminsá bai den e direkshon i a topa ku un outo ku kuater okupante aden. Na momentu ku e shofùr a nota e vehíkulonan polisial na e krusada Blanquilaweg/Welatinaweg e la hisa velosidat i kore bai for di e sitio. Polis a kuminsá ku un persekushon tras di e vehíkulo i a nota ku un di okupantenan a benta un arma di kandela for di e outo. Polis a logra para e vehíkulo den Ceylonweg i a kuminsá ku un kontrol. Den un tas ku un di e okupantenan tabatin den su poder polis a haña i konfiská un arma di kandela. Den e vehíkulo polis a haña i konfiská:
 13 saku chikí ku kokaina;
 Pildora di kamagra;
 5 saku chikí ku mariwana.
Na e sitio polis a detené e hòmbernan sospechoso:
 N.A.C., 30 aña di edat;
 J.D.N., 23 aña di edat;
 G.S.S., 23 aña di edat;
 W.S., 28 aña di edat, tur nasé na Kòrsou.
Kontinuando ku e investigashon polis a tene entrada hudisial den dos kas na Welatinaweg i aki a haña i konfiská un kantidat chikí di hasj.
A presentá e sospechosonan dilanti un Fiskal Ouksiliar ku a ordená nan enkarselamentu pendiente di mas investigashon.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: