Advertisements

Riba 16 di òktober, Dia Internashonal di Alimento CURAÇAO LIONS CLUB ta inisiá e 53 edishon di e akshon di BON BISIÑA

Riba 16 di òktober, Dia Internashonal di Alimento
CURAÇAO LIONS CLUB ta inisiá e 53 edishon di e akshon di BON BISIÑA

Willemstad – Curaçao Lions Club e aña aki pa di 53 aña ta tene su akshon di Bon Bisiña i a skohe pa duna mas atenshon na e meta original ku ta pa konsientisá nos mucha i hóbennan di e importansia pa kompartí ku nan próhimo komo un bon bisiña. E klup di servisio a skohe 16 di òktober ku ta Dia Internashonal di Alimento pa duna inisio na e akshon pa rekouda komestibel aki.
Tin 5 skol ku a uni forsa ku Curaçao Lions Club pero naturalmente más organisashon i skol ta liber pa kolektá komestibel i yuda engrandesé e proyekto di Bon Bisiña. Muchanan ku rekoudá komestibel tambe por traha un bunita karchi di Pasku pa kompaña e pakete.
Komestibelnan ku ta kolektá ta entre otro saku di dos (2) liber di aros, funchi, suku, pasta, hariña, bleki sosèshi, spam, tamati pasta, buskuchi soda, corned beef, sopi, buskuchi dushi, juice i mas. Preferibel pa usa kombestibel di bleki òf pòchi. Un petishon tambe pa tene kuenta ku e fecha di vensementu riba e empake, ya komo ku ta den luna di dèsèmber lo repartí e paketenan.
Último fecha pa entregá komestibel ta djaweps dia 6 di dèsèmber na Landhuis Klein Kwartier durante ora di ofisina. Si akaso organisashon nan tin lote grandi di komestibel ku a rekouda, por tuma kontakto ku Curaçao Lions Club na 738 52 22 i lo traha un afspraak pa rekohe nan.
Curaçao Lions Club tambe ta haña koperashon tur aña di komersiantenan ku tambe a duna un aporte balioso dor di hasi donashon di diferente produktonan básiko di kada pakete. Sin nan koperashon e kantidat di pakete i surtido ku ta sera tampoko lo tabata posibel. Miembronan di Curaçao Lions Club lo ta na supermerkado pa rekoudá komestibel. Lo anunsia pronto fecha, orario i supermerkado.
Pa más informashon por sigui e página di facebook Curaçao Lions òf manda un email na info@curacaolions.org.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: