Advertisements

Parlamentario Curtley Obispo: Preguntanan den komishon sentral pa loke ta trata e lei, e Landsverordening belastingherzieningen 2018.

Parlamentario Curtley Obispo: Preguntanan den komishon sentral pa loke ta trata e lei, e Landsverordening belastingherzieningen 2018.

Parlamento di Kòrsou den su reunion di Komishon Sentral di dia 15 òktober 2018 a trata e lei, e Landsverordening belastingherzieningen 2018. Un lei ku ta trese kambionan pa loke ta trata 6 lei di impuesto di Pais Korsou, kual ta: (1) Algemene Landsverordening Landsbelastingen, (2) Landsverordening op de winstbelasting 1940, (3) Landsverordening economische zones 2000, (4) Landsverordening op de omzetbelasting 1999, (5) Successiebelastingverordening 1908 i (6) Lands-verordening reparatie preferentiële belastingregimes. Segun e konsiderashonnan manera meshona den e lei, e meta di e kambionan den e lei ta pa: (a) Pais Korsou kumpli ku normativanan di OESO (Organisashon pa Koperashon Ekonómiko i Desaroyo), (b) adjustenan den lei pa elimina kontrukshon di belasting dañino i  “grondslaguitholling”, (c) elimina “ring fencing” i (d) pa drecha omishon tékniko i aklará mas mihó tekstonan di e leinan.

Parlamentario Curtley Obispo den e reunion aki a hasi 27 pregunta konkreto pa asina Gobièrnu di Kòrsou pa medio di Minister di Finansa por trese mas klaridat i mas informashon na Pueblo di Kòrsou pa loke ta trata e lei ariba menshoná. Parlamentario Curtley Obispo a hasi diferente preguntanan kual ta dirigi riba: (a) komunikashon ku grupo nan di interes. Kua ta e kampanja di informashon ku a hiba i lo sigu hiba unabes si e lei wordu aproba, (b) komunikashon, evaluashon i sinkronisashon di e lei ku OESO (Organisashon pa Koperashon Ekonómiko i Desaroyo), (c) e dekreto ministerial temporal di 24 september 2018 kual ta  regla un 0% omzetbelasting pa turismo krusero, (d) e efektonan finansiero di e lei, (e) kon ta bai reforsá i sòru ku tin tur wetgevingsjurist, pa asina Fiscale Zaken tin 100% kapasidat di wetgevingsjuristen, (f) kambionan pa loke ta trata kompanianan den E-zone, (g) e rol di BTP den kuadro di ehekushon di e lei (h) preparashon den futuro di tekstonan konsolida di e lei, (i) otro preguntanan general i tékniko.

 

Advertisements
error: Content is protected !!
%d bloggers like this: