Advertisements

KOMUNIKADO DI KUERPO POLISIAL KÒRSOU Detenshon relashoná ku ladronisia.

KOMUNIKADO DI KUERPO POLISIAL KÒRSOU

425 / 2018

15 òktober 2018

Detenshon relashoná ku ladronisia.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 15 di òktober 2018, alrededor di 13.11 or, Sentral di Polis a risibí informashon ku dos hòmber deskonosí, unu ku kabei rasta, a bula den kurá di un apartamentu den área di Koral Partier. Un unidat polisial ku a yega na e sitio a konstatá ku porta patras di e apartamentu tabata kibrá i tabata habrí. Tambe polis a tuma nota di un skèr pa kòrta betòn, un pata di kabra, beitel i un martin poné abou dilanti di e porta. Na e momentu ei polis no a haña ningun hende den e apartamentu. Informashon ku e unidat a risibí di Sentral di Polis ta indiká ku e sospechosonan a bini den un outo blanku ku tabata stashoná na otro banda di e kaya. Polis a pidi un kran pa asina transportá e vehíkulo. Na momentu ku e kran a presentá, un hòmber ku ta kuadra ku deskripshon di un di e sospechosonan a presentá i a bisa ku e outo ta su propiedat. Relashoná ku e kaso di ladronisia ariba menshoná polis a detené na e sitio e hòmber E.E.K.B. nasé na Kòrsou, di 27 aña edat.
A presentá e sospechoso dilanti un Fiskal Ouksiliar ku a ordená su enkarselamentu pendiente di mas investigashon.

 

Advertisements
error: Content is protected !!
%d bloggers like this: