Advertisements

Siman di medio ambiente i naturalesa. MINISTER SRA. CAMELIA-RÖMER, TA HASI UN YAMADA NA TUR HENDE I ORGANISASHON PA YUDA KUIDA NOS MEDIOAMBIENTE.

Siman di medio ambiente i naturalesa.

MINISTER SRA. CAMELIA-RÖMER, TA HASI UN YAMADA NA TUR HENDE I ORGANISASHON PA YUDA KUIDA NOS MEDIOAMBIENTE.

 

WillemstadMinister di Salú, Medioambiente i Naturalesa ta habri e siman di medioambiente i naturalesa ku un yamada urgente pa duna mas atenshon na nos medioambiente i kuido di naturalesa.  Nos ministerio tei pa konsientisá nos pueblo riba e importansha di limpiesa di nos aire, awa i suela ku ta komponentenan ku ta forma nos medioambiente, i pa nos naturalesa ta mata, palu i bestia.  Esakinan ta hasi un bida duradero posibel.

Nos aktividatnan diario ta afektá nos medioambiente i nos salú.  P’esei nos mester hasi tur nos esfuerso pa kambia nos manera di atendé ku nos aire, por ehèmpel dor  di sòru pa nos outonan saka ménos huma pretu i den futuro pa nos refeneria por kumpli ku normanan moderno. Tambe e manera ku nos ta atendé ku nos suela, dor di evitá kontaminashon di e suela. Esaki nos por kuida  dor di  evitá di basha supstanshanan kímiko ku ta hasi hopi daño na nos suela.  Por último mester wak kon nos ta manehá e awa ku nos tin na Korsou. Maneho di awa ta di sumo importansha pa agrikultura i evitá kontaminashon di suela i laman. Nos mester tene nos lamannan rondó di Kòrsou limpi i tambe nos playanan. Nos mester soru pa sushi no keda atras i resultá den laman. Gran parti di nos awa sushi doméstiko ta keda dirigí na un di e plantanan pa purifiká awa sushi. E plantanan ta ubiká na Seru Lora i na Klein Hofje. Ta importante pa kuida e sistema di riol i no benta paña òf otro tipo di artefaktonan aden.

Nos mester kuida nos palu di mangel ku ta sòru pa limpiesa di nos awanan di superfisie i pa piska por brui.  Pesei mester soru pa aktividatnan turístiko tene kuenta ku nos medio ambiente i eko-turismo.

Medioambiente i Naturalesa su kuido ta un kos di nos tur. P’esei un siman kaminda nos ta para ketu na esaki i duna realse na nos aire, suela i awa, tambe na mata, palu i bestia

ta hopi nesesario.

Minister sra. Camelia- Römer ta úrgi tur hende pa hasi un esfuerso pa konserva nos pais. Ban kuid’é pa por kuida nos salú.

.

Advertisements
%d bloggers like this: