Advertisements

SELEKSHON DI SOFTBOL KORSOU A TRAIN AYERA I DESPUES BAI BANDABOU.

SELEKSHON DI SOFTBOL KORSOU A TRAIN AYERA I DESPUES BAI BANDABOU.

Preparando pa Suramerikano na Aruba di 27 di òktober pa 2 di novèmber:
Nos selekshon di softball femenino fastpitch a train ayera mainta 8or na parke di Buena Vista ku bon asistensia apesar di e torensial áwaseru ku a kai djasabra anochi. E parke di Buena Vista tabata den mal kondishon, pero e selekshon a train riba yerba kaminda ku nan a fildea, bati i hasi otro ehersisionan. Despues di e training e selekshon di Korsou a bai Bándabou pa un aktividat sosial pa yuda uni e selekshon poko mas. Apesar ku e aktividat no tabata obligatorio paso a informa di dje hopi riba man gran mayoria di e hungadónan tabata presente. E selekshon di Softbol di Korsou ta preparando pa di dia 27 di òktober pa 2 di novèmber partisipá na e kampeonato Suramerikano di softball femenino fastpitch. E paisnan ku lo partisipá na e kampeonato aki ta: Aruba, Korsou, Colombia, Brazil, Venezuela, Argentina, Perú i Panamá. E optimismo ta grandi ku nos selekshon tin bon posibilidat di regresá Korsou ku medaya den e kompetensia Suramerikano na Aruba, ounke mester rekonosé ku e kompetensia ta unu basta pareu. Nos selekshon lo Sali pa Aruba dia 26 di òktober mainta. E kampeonato ta start dia 27 di òktober.

 

Advertisements
%d bloggers like this: