Advertisements

ACU ta duna bèk na komunidat pa medio di un kaminata,den kuadro di Dia Internashonal di Kooperativa di Spar i Krédito

ACU ta duna bèk na komunidat pa medio di un kaminata,den kuadro di Dia Internashonal di Kooperativa di Spar i Krédito

 

Willemstad – Un di e prinsipionan di kooperativismo ta pa duna bèk i ACU ta duna bèk pa medio di un kaminata ku lo tuma lugá djadumingu 21 di òktober awor, den área di Fuik.

 

No ta promé biaha ku ACU ta organisá un “Zero hunger walk” komo fuente di rekoudashon di fondo. E aña aki ta di 3 aña. E aña aki tambe lo hasi un donashon na Voedselbank i tambe na Lions Club, pa nan proyekto di ‘Bon Bisiña’. T’asina ku ACU a komprometé su mes komo organisashon pa organisá un kaminata ku e meta pa yuda kombatí hamber. Ta pa e motibu aki mes e kaminata ta tuma lugá anualmente rondó di Dia Mundial di Kuminda, un fecha internashonal ku mundu ta rekordá tur aña dia 16 di òktober. Di e forma aki, ACU ku koperashon di su sosionan ta kontribuí aktivamente tambe na un di e Metanan di Desaroyo Duradero di Nashonnan Uní. Den e kaso aki ta trata di meta number 2: ‘Sero hamber’.

E kaminata lo rekoré un ruta spesial ku ta sali for di Hòfi Pachi Wiwi na Montaña i terminá na e mesun sitio. Por kana rutanan di 3, 5 i 10 kilometer. E ruta ta travesá e bunita área di Kurá di Buriku na Fuik i e kaminata ta start 6:00 di mainta.

Por kumpra karchi di 8:00 di mainta pa 3:30 di atardi na ACU Scharloo i ACU Otrobanda na rason di 10 florin (tantu mucha komo adulto). Por paga kèsh na ACU Otrobanda, pero na ACU Scharloo por paga únikamente via kuenta (pa esnan ku ta sosio). E kaminata ta pa pueblo di Kòrsou en general, pues un i tur por kumpra karchi i duna un aporte na dos bon kousa.

 

Pa mas informashon por tuma kontakto via telefòn ku ACU na 434 71 00 na Kòrsou. Por tuma kontakto via e-mail na info@acu.cw. Tambe por haña informashon via página di FaceBook di ACU i via ACU su wèpsait www.acu.cw.

 

Advertisements
error: Content is protected !!
%d bloggers like this: