Advertisements

Pronóstiko di tempu pa Kòrsou i bisindario bálido te djaluna atardi 6:00 o.l, 15 di òktober 2018.

Pronóstiko di tempu pa Kòrsou i bisindario bálido te djaluna atardi 6:00 o.l, 15 di òktober 2018.

Kompilá:
djadumingu 14 di òktober 2018, 17:00 o.l. (21:00 UTC)

KÓDIGO HEL: PREKOUSHON PA MAL TEMPU TA SIGUI VIGENTE PA AWE DJADUMINGU !

Tempu:
Shelu lo keda por lo general hopi nublá i prinsipalmente mas lat awe, awa por kai ainda riba parti di Kòrsou. Bos tambe lo zona de bes en kuando na algun kaminda. Durante mayan djaluna un wer seku lo prevalesé, miéntras e fluho di bientu ta bira un tiki mas fuerte.

Temperatura máksimo lo alkansá 30 ºC i temperatura mínimo 25 ºC.
Solo ta sali 06:25 i ta baha 18:18 o.l.

Bientu:
For di un direkshon generalmente ost i moderá; forsa 3 te 4 (12 te 30 km/ora, 7 te 16 nudo). Espesialmente den áwaseru, de bes en kuando basta fuerte den ráfaga: forsa 5 (31 te 39 km/ora, 17 te 21 nudo). Gradualmente bientu lo bira un poko mas fuerte.

Situashon general:
Durante e proksimo 24 ora ta antisipa ku e situashon di tempu gradualmente lo bai mehora den nos area. Sinembargo, mas lat den awe anochi ta antisipá algun áwaseru un bes mas ku un posibilidat leve pa welek i bos. Pa e motibu aki, ketu bai tin un Prekoushon pa Mal Tempu (Kódigo Hel) na vigor. Sigun e sistema aki ta alehá su mes, e posibilidat pa awa kai lo mengua i na mes momento e bientu ta bai oumentá.

Kondishon di laman:
Trankil i gradualmente moderá ku altura di ola entre di 0.5 i 1.5 meter (2 te 5 pia). Djaluna e olanan lo ta un tiki mas altu.

Sistemanan signifikante di wer tropikal:
Sistemanan signifikante di wer tropikal: Ningun. .

Fenómeno spesial:
Ningun.

Perspektiva te djamars atardi: P
Por lo general parsialmente nublá i un tempu seku.

Meteorólogo:
Luciano.

E próksimo boletin di tempu lo wòrdu publiká djaluna 05:00 o.l. (09:00 UTC)

 

Advertisements
%d bloggers like this: