Advertisements

NOS SELEKSHON NASHONAL A GANA US VIRGIN ISLANDS KU SKOR DI 5-0 NA TAMPA!

NOS SELEKSHON NASHONAL A GANA US VIRGIN ISLANDS

KU SKOR DI 5-0 NA TAMPA!

Nos selekshon nashonal a logra su di 2 viktoria durante e kampionato di Nations League organisá pa CONCACAF. Esaki despues di a gana U.S.Virgin Island awe ‘tardi, ku e skor di 5-0 aya na Tampa.
E golnan di nos selekshon a keda anotá pa Reangelo Janga na di 29 minüt, Gevaro Nepomuceo na di 32 minüt, Leandro Bacuna na di 53 minüt, Rhu-Endly ‘Cuco’ Martina na di 55 minüt i Quentin Martinus na di 88 minüt .

Despues di nos segundo enkuentro di Nations League, nos selekshon tin un total di 6 punto, ku 15 gol na fabor i niun gol kontra. Nos falta 2 partido mas pa kompletá e seri di 4 partido bálido pa promé buèlta di Nations League. E terser partido aki lo ta 19 di novèmber próksimo kontra Guadeloupe na Kòrsou miéntras nos último partido lo tuma lugá dia 25 di mart 2019 na Antigua & Barbuda kontra Antigua & Barbuda.

Manera ya ta konosí, nos terser partido lo ta kontra Guadeloupe i e tambe ta hunga aki na Kòrsou i lo tuma lugá den Stadion Ergilio Hato pa 8’or di anochi. Por kumpra karchi adelantá for di 15 di òktober próksimo na FFK bou di ora di ofisina, Botika Mampuritu, Beep Beep, 4th of July snèk na Barber, pòmp di gasolin Santa Maria, serka Sport Spot Boutique & More na Santa Maria pegá ku trùk di pan Komelon i na Restorant Trafasie pegá ku Don Bartolo.

E preisnan pa e diferente sekshonnan ta lo siguiente:
⦁ SEKSHON A: VIP ta kosta Fl.150,- (inkluso konsumo)
⦁ SEKSHON B: Bou di tribunanan kubrí ta Fl.30,- te ku 31 òktober i di promé di
novèmber pa 19 di novèmber e preis ta bira Fl.50,-
⦁ SEKSHON C: Tribunanan no kubrí ta Fl.20,- te ku 31 òktober i di promé di
⦁ novèmber pa 19 di novèmber e preis ta bira Fl.30,-
⦁ SEKSHON D: Mucha te ku 12 aña ku 60+ ta paga Fl.10,- den sekshon general

Ainda nos tin algun di suèter di kolekshon nobo di nos selekshon nashonal ku ta Nike original na balor di Fl.75,- i nos a sobra e famoso shalnan di nos selekshon na balor di Fl.25,-.
Ámbos optenibel na FFK bou di ora di ofisina.
Pasa buska di bo pa asina bo bin sostené i apoya nos hungadónan.

Kumpra bo karchi trempan pa bo sigurá bo lugá!

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: