Advertisements

Curaçao Open 2018 ta kulminá djasabra mainta

Curaçao Open 2018 ta kulminá djasabra mainta

 

ITF Curaçao Open 2018, e torneo internashonal di tènis, a yega su momentu kulminante. Djabièrnè weganan pa semifinal den e diferente kategorianan parsialmente a tuma lugá. Algun wega pa semifinal pa motibu di áwaseru ta pasa pa djasabra mainta 9or.

Den e resultadonan pa semifinal kategoria dòbel femenino Shirley Liang di Canada i Alexa Marques di Perú a eliminá Sarinah Maduro di Kòrsou i Daimy Paula di Hulanda. Gabriela Singer di Kòrsou i Kayla Solagnier ta hunga djasabra mainta kontra Artemis Pados di Merka i Adele Marie Fernandez Lecaroz di Peru. Awaseru a interumpi e wega.

Den e resultadonan pa kategoria singel femenino Zhou Xintong di China a eliminá Kayla Solagnier di Aruba i Alexandra Centra di Merka a eliminá Shirley Liang di Canada i nan a klasifiká pa semifinal.

E weganan di kategoria dòbel maskulino no a bai dor djabièrnè pa motibu di mal tempu. Nan ta sigui djasabra ku Alfredo Casso di Merka i Derrick Chen di Inglatera ku ta hunga kontra Richard Mallory di Bermuda i Philippe Mercelina di Sint Maarten. Jack Barnett di Australia i Matthis Ross di Inglatera ta hunga kontra Milledge Cossu di Merka i Benjamin Kittay.

Djasabra mainta 9or weganan pa semifinal i final ku no a tuma lugá awe ta sigui. Esaki ta hiba e kampeonato na su final.

 

Advertisements
error: Content is protected !!
%d bloggers like this: