Advertisements

Weganan di kuarta final di Curaçao Open 2018 a sigui djaweps

Weganan di kuarta final di Curaçao Open 2018 a sigui djaweps

Un wer ku hopi áwaseru bos i welek durante dia a pone ku e weganan di e torneo internashonal di tènis ITF Curaçao Open 2018 no por a sigui djarason. Djaweps weganan a kontinuá ku kuarta final tantu den singel komo den dòbel maskulino i femenino.

Den kategoria dòbel femenino Gabriela Singer di Kòrsou i Kayla Solagnier di Aruba a eliminá Daniela de Haseth di Kòrsou i Sofia Lucafo di Brazil den kuarta final. Sarinah Maduro di Kòrsou i Daimy Paula di Hulanda tambe a klasifiká pa semi final dor di a gana Alexandra Centra di Merka i Victoria Sanchez Bronzetti di Spaña.

Den kategoria single femenino e hungadónan ku a klasifiká pa semi final ta Alexandra Centra di Merka, Shirley Liang di Canada, Kayla Solagnier di Aruba i tambe Xintong Zhou di China ku a eliminá Gabriela Singer di Kòrsou. Den kategoria di single maskulino tres hungadó di Merka a klasifiká. Alfredo Casso, Miledge Cossu i Benjamin Kattay i di Inglatera Derrick Chen.

Den kategoria dobel maskulino Milledge Cossu i Benjamin Kittay tur dos di Merka a eliminá Gianluca Beaujon i Noah Martis di Kòrsou. Phillippe Mercelina di Sint Maarten huntu ku su partner Richard Mallory di Bermuda a klasifiká pa semifinal. Djabièrnè ta sigui e weganan di semi final.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: