Advertisements

Pronóstiko di tempu pa Kòrsou i bisindario bálido te djasabra mainta 06:00 o.l, 13 di òktober 2018.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l, 13 di òktober 2018.
Kompilá: 
djabièrnè 12 di òktober 2018, 05:00 o.l. (09:00 UTC)

Tempu: Parsialmente nublá, temporalmente hopi nublá ku algun áwaseru lokal espesialmente durante mainta. Ketu bai bos por zona na algun kaminda.

Temperatura máksimo lo alkansá 32 ºC i temperatura mínimo 25 ºC.
Solo ta sali 06:25 i ta baha 18:19 o.l.

Bientu: For di un direkshon generalmente ost i suak te moderá; forsa 2 te 4 (7 te 30 km/ora, 4 te 16 nudo). Prinsipalmente durante den áwaseru, de bes en kuando basta fuerte den ráfaga: forsa 5 (31 te 39 km/ora, 17 te 21 nudo). Bientu por supla de bes en kuando for di otro direkshon tambe.

Situashon general: Un disturbio riba parti sentral di Área di Karibe durante próksimo 24 ora lo sigui kousa un oumento temporal di nubia riba nos region. Algun di e nubianan aki espesialmente durante di mardugá i mainta lo generá de bes en kuando algun áwaseru lokal riba Kòrsou. Un par di e yobidanan aki por bai kompañá un biaha mas pa welek ku bos.

Kondishon di laman:
Por lo general trankil ku altura di ola di 1 meter òf ménos (3 pia òf ménos).

Sistemanan signifikante di wer tropikal: Orkan Leslie ta ketu bai riba e parti sentral di Osean Atlántiko Nort i tabata moviendo awe tardi den direkshon ost nortost. Tormenta Tropikal Michael tabata situá riba estado North Carolina na Merka i tabata moviendo den direkshon nortost. Tormenta Tropikal Nadine tabata situá riba parti ost di Osean Atlántiko i tabata move den direkshon wèst nortwèst miéntras ku e tabata debilitando. E tres sistemanan aki no ta un menasa pa Kòrsou.

Fenómeno spesial: Ningun.

Perspektiva te djadumingu mainta: Shelu lo ta parsialmente nubla, temporalmente hopi nublá i por spera algun áwaseru kompañá lokalmente pa welek ku bos.

Meteorólogo: Abraham.

E próksimo boletin di tempu lo wòrdu publiká djabièrnè 12:00 o.l. (16:00 UTC).

 

.

.

.

.

Advertisements
error: Content is protected !!
%d bloggers like this: