Advertisements

Parlamentario Curtley Obispo : Minister BPD su karta fecha 5 òktober 2018 0047-1 V/18-19 re: Publikashon periódiko di informashon di maneho di personal

Minister di Gobernashon, Planifikashon i Servisio
Señor Drs. Armin Konket
Plasa Horacio Hoyer # 9

Djaweps, 11 òktober 2018

Tópiko: Minister su karta fecha 5 òktober 2018 0047-1 V/18-19 re: Publikashon periódiko di informashon di maneho di personal

Apresiabel señor Minister Armin Konket,

Mi karta di 2 òktober 2018 ta basa riba e echo ku durante e periodo 18 desèmber 2012 te ku 30 mei 2018, 3 Minister di Gobernashon, Planifikashon i Servisio a raporta informashon periódiko di maneho di personal na Parlamento di Kòrsou. Den 30 karta di 3 Minister di Gobernashon, Planifikashon i Servisio ta indiká ku e lei ta na vigor, e “Eilandsverordening Publicatie Beleidsinformatie Curaçao” AB 1998 no.4, zoals gewijzigd AB 1998 no.82. Adhuntu mi ta pone un par di kopia di 7 di 30 kartanan aki.

Saliendo for di e informashon nobo risibí despues 30 mei 2018, ku Minister a duna den Minister su karta di 5 òktober 2018, mi ta di opinion ku si e lei ta riba lista negativo, mester adaptá e lei aki i kuminsá un trayekto nobo di lei. P’esei mi kier a informá Minister ku mi ta trahando riba un konsepto di lei nobo.

Mi tin e siguiente petishonnan, hasiendo uso di mi derecho komo parlamentario pa hasi pregunta konforme artíkulo 96 di Reglamentu di Orden di Parlamento di Kòrsou:
Pa loke ta informashon validá for di sistema di RIS (status te ku 10 òktober 2018) mi por trese dilanti ku e sistema di RIS ta indiká ku te ku Yanüari 2018 a raporta pa di lastu biaha.
Petishon na Minister pa risibí e publikashon Febrüari 2018 te ku Yüni 2018. Asina e publikashon di Yüli 2018 te ku Sèptèmber 2018 ta kla, petishon pa tambe risibí esaki di Minister.
Pa loke ta e petishon number 1 di mi karta di 2 òktober 2018 mi tin ku ripití esaki ya ku mi no a haña reakshon den minister su karta di 5 òktober 2018. Petishon pa risibí e publikashon di personal Yanüari 2017 te ku Sèptèmber 2017.

Atentamente,

Curtley Obispo
Parlamentario pa Kòrsou
PAR

Adhuntu:
Minister su karta fecha 5 òktober 2018 0047-1 V/18-19 re: Publikashon periódiko di informashon di maneho di personal.
Ehèmpel di 7 kartanan ku a raporta publikashon periódiko di informashon di maneho di personal

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: