Advertisements

NOS SELEKSHON NASHONAL LO ENFRENTÁ US VIRGIN ISLANDS DJABIÈRNÈ, 12 DI ÒKTOBER NA TAMPA! E DIA A YEGA!

NOS SELEKSHON NASHONAL LO ENFRENTÁ US VIRGIN ISLANDS DJABIÈRNÈ, 12 DI ÒKTOBER NA TAMPA! E DIA A YEGA!

Tur kos ta kla pa nos selekshon nashonal enfrentá e selekshon di U.S.Virgin Island, djabièrnè 12 di òktober pa 4’or di atardi den IMG Soccer Stadium aya na Tampa. Esaki durante nos segundo kompromiso bálido di Nations League organisá pa CONCACAF.

Djamars último e grupo di nos selekshon residensiá aki na Kòrsou a biaha pa Tampa pa asina topa esnan residensiá den eksterior. Na yegada di tur e hungadónan di nos selekshon a kuminsá ku e trainingnan komo preparashon pa e kompromiso aki. Apesar di e tempu, ku un tiki mas bientu ku nòrmal, nos selekshon ta tin algun seshon di training ku a kana hopi bon. Pues práktikamente tur kos ta kla pa mañan nos topa kara kara ku U.S. Virgin Islands durante nos segundo enkuentro di e promé buèlta di Nations League.

E siguiente hungadónan a keda selekshoná pa forma parti di nos selekshon ku lo mira akshon durante nos segundo enkuentro di Nations League;

⦁ Eloy Room (PSV)
⦁ Shanon ‘Cheese’Carmelia
(Ijsselmeervogels)
⦁ Elson ‘Sontje’ Hooi (Ado Denhaag)
⦁ Leandro Bacuna (Reading)
⦁ Ayrton Statie
⦁ Rhu-Endly ‘Cuco’ Martina (Stoke City)
⦁ Reangelo Janga (Astana)
⦁ Gervane Kastaneer (NAC)
⦁ Gevaro Nepomuceno (Oldham Athletic)
⦁ Darryl Lachman (PEC Zwolle)
⦁ Charlison Benschop (Fc Ingolstadt)
⦁ Jimbertson Vapor (Scherpenheuvel)
⦁ Rowendy Sumter (Scherpenheuvel)
⦁ Jarzinho Pieter (Centro Dominguito)
⦁ Jurensley Martina (Jong Holland)
⦁ Brandley Kuwas (Heracles)
⦁ Quintin Jacoba (Kozakken Boys)
⦁ Jurich Carolina (NAC)
⦁ Michaël Maria (Fc Twente)
⦁ Jaffar Arias (Fc Emmen)
⦁ Suently Alberto (Sparta)
⦁ Quenten Martinus (Urawa Reds)
⦁ Jeremy de Nooijer (Sherrif Tiraspol)

Tur ku ke sigui e partido aki lo por bishitá nos página di Facebook; Nosta12 pa download e
‘link’ di e wega aki i asina keda informá di tur kos rondó di nos selekshon nashonal. Tambe por keda na altura di diferente rifa ku nos lo tin pa gana karchi pa nos terser kompromiso di Nations League.

Manera ya ta konosí, nos terser partido lo ta kontra Guadeloupe e tambe ta hunga aki na Kòrsou i lo tuma lugá den Stadion Ergilio Hato pa 8’or di anochi. Por kumpra karchi adelantá for di 15 di òktober próksimo na FFK bou di ora di ofisina, Botika Mampuritu, Beep Beep, 4th of July snèk na Barber, pòmp di gasolin Santa Maria, serka Sport Spot Boutique & More na Santa Maria pegá ku trùk di pan Komelon i na Restorant Trafasie pegá ku Don Bartolo.

E preisnan pa e diferente sekshonnan ta lo siguiente:
⦁ SEKSHON A: VIP ta kosta Fl.150,- (inkluso konsumo)
⦁ SEKSHON B: Bou di tribunanan kubrí ta Fl.30,- te ku 31 òktober i di promé di
novèmber pa 19 di novèmber e preis ta bira Fl.50,-
⦁ SEKSHON C: Tribunanan no kubrí ta Fl.20,- te ku 31 òktober i di promé di
⦁ novèmber pa 19 di novèmber e preis ta bira Fl.30,-
⦁ SEKSHON D: Mucha te ku 12 aña ku 60+ ta paga Fl.10,- den sekshon general

Ainda nos tin algun di suèter di kolekshon nobo di nos selekshon nashonal ku ta Nike original na balor di Fl.75,- i nos a sobra e famoso shalnan di nos selekshon na balor di Fl.25,-.
Ámbos optenibel na FFK bou di ora di ofisina.
Pasa buska di bo pa asina bo bin sostené i apoya nos hungadónan.

Kumpra bo karchi trempan pa bo sigurá bo lugá!

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: