Advertisements

Charla tokante infrastruktura komo instrumento pa desaroyo sustenibel na Kòrsou. Presentá dor di sra. Zita Jesus – Leito, MBA

Charla tokante infrastruktura komo instrumento pa desaroyo sustenibel na Kòrsou.
Presentá dor di sra. Zita Jesus – Leito, MBA.

Willemstad – djaluna 15 di òktober próksimo Partido Alternativa Real (PAR) lo organisá un charla interesante tokante importansia di infrastruktura komo instrumento pa desaroyo sustenibel na Kòrsou.

Orador di e anochi lo ta sra. Zita Jesus – Leito aktual minister di Tráfiko, Transporte i Planifikashon Urbano.
E charla lo tuma lugá na Ofisina di ABVO, ta kuminsá 7or di anochi i ta kompletamente grátis.

Esaki ta e di kuater charla ku ta keda organisá pa PAR, den kuadro di e selebrashon di su 25 aña di eksistensia 14 di desèmber próksimo. E promé charla tabata na sentro di bario montaña kaminda a para ketu na implementashon di e plan di urgensia. Den e di dos charla a trata e importansia di enseñansa i e di tres charla a trata e energia sustenibel. Dia 22 di sèptèmber PAR a organisá un simposio eksitoso titulá “the Next 25 years” ku charlanan interesante. Diferente orador a para ketu na loke nos mester prepará pe pa e próksimo 25 añanan riba e.o. e área sosial, edukashon, ekonomia i di gobernashon.

Meta di e charlanan aki ta pa públiko sera konosí ku e metanan di desaroyo sustenibel di Nashonnan Uni, kual ta base pa e plan di desaroyo di Kòrsou.

Direktiva di PAR pa medio di esaki ta invitá tur esnan ku ta interesá pa bini Ofisina di ABO djaluna awor, pa asina partisipá na e enkuentro aki.

 

Advertisements
error: Content is protected !!
%d bloggers like this: