Advertisements

16 di òktober próksimo FUNDASHON PRO SOUAX ta organisá: Charla grátis “PARLAMENTU DI KÒRSOU: SU REGLANAN I E KOMPORTASHON KU KOMUNIDAT TA SPERA DI E PARLAMENTARIO”.

16 di òktober próksimo FUNDASHON PRO SOUAX ta organisá: Charla grátis “PARLAMENTU DI KÒRSOU: SU REGLANAN I E KOMPORTASHON KU KOMUNIDAT TA SPERA DI E PARLAMENTARIO”.

Fundashon Pro Souax i Sentro di bario Souax gustosamente ta invitá habitantenan di bario di Souax, Gato i bisindario i tambe otro interesadonan, na kontinuashon di e “Siklo di Charla riba Tópiko Hurídiko”. Tópiko pa e luna aki lo ta “PARLAMENTU DI KÒRSOU: SU REGLANAN I E KOMPORTASHON KU KOMUNIDAT TA SPERA DI E PARLAMENTARIO”.
E charla ta tuma lugá djamars 16 di òktober próksimo i e oradó lo ta e mucha di bario di Souax parlamentario sr. Rennox Calmes.

Parlamentu di Kòrsou komo e sitio di trabou di representantenan di pueblo tin atenshon kontinuo di pueblo di Kòrsou. Komentario i opinion riba loke e parlamentario ta hasi òf keda sin hasi ta al orden di dia. Ta kua ta e reglanan di trabou i di komportashon ku e parlamentario mester tene su mes na dje?
E parlamentario ta konsiente kua komportashon komunidat ta spera di dje?
Durante e charla ku lo ta di 7or pa mitar di 9 anochi na Sentro di bario Souax oradó parlamentario sr. Rennox Calmes lo amplia riba e reglanan di Parlamentu di Kòrsou i e komportashon ku komunidat ta spera di un representante di pueblo den parlamentu.
Habitantenan di bario di Souax, Gato, Zegu i bisindario i demas interesado ta keda kòrdialmente invitá pa bin skucha parlamentario sr. Rennox Calmes.

Moderadó lo ta mr. Juny Sluis, presidente di Fundashon Pro Souax.
Entrada ta grátis i lo tin amplio oportunidat pa hasi pregunta.

Kontinuashon “Siklo di Charla riba tópiko hurídiko”

Tópiko: “PARLAMENTU DI KÒRSOU: SU REGLANAN I E KOMPORTASHON
KU KOMUNIDAT TA SPERA DI E PARLAMENTARIO”
Oradó: sr. Rennox Calmes
Moderadó: mr. Juny Sluis
Dia: djamars 16 di òktober 2018
Ora: 7or pa mitar di 9 anochi na Sentro di bario Souax
Entrada: GRÁTIS i un i tur ta bon biní

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: