Advertisements

Na Hulanda…….. Roadshow di Kòrsou ku partisipashon di 150 agente di biahe / Curaçao Road Show with 150 Travel Agents Participating in the Netherlands …

Na Hulanda……..
Roadshow di Kòrsou ku partisipashon di 150 agente di biahe

WILLEMSTAD – 9 di òktober 2018 – Resientemente Ofisina di Turismo di Kòrsou (CTB) huntu ku partnernan den sektor privá a konkluí otro eksitoso roadshow na Hulanda. Kòrsou ta e destinashon den Karibe di mas popular bou di biaheronan hulandes. Pa e motibu aki CTB a organisá un roadshow na Hulanda pa duna partnernan hotelero for di Kòrsou e oportunidat pa informá agentenan di biahe tokante di tur loke Kòrsou tin di ofresé komo destinashon turístiko.

Durante 3 dia a duna informashon aktual di nos destinashon na agentenan di biahe. E promé dia di e roadshow a tuma lugá na e TUI Call Center na Enschede i e Corendon Call Center na Haarlem ku partisipashon di 60 agente di biahe. Su siguiente dia a sigui ku un seshon na Breda, kaminda a topa ku 30 agente di biahe. Riba e delaster dia a topa ku 25 agente di biahe na Hoofddorp i 40 na Kas di Kòrsou na Den Haag. E 3 dianan di informashon a konsistí di 2 parti; mainta a organisá diferente seminario pa asina e representantenan hotelero por a haña informashon aktual di e merkado hulandes spesífikamente riba e aria di komersio, trends, merkadeo i relashon públiko. Parti mèrdia a inisiá kada seshon ku un presentashon di Kòrsou i un diálogo kaminda e tim di CTB a elaborá riba e mihó eksperensianan ku nan tin di Kòrsou. E hotèlnan i agentenan di biahe presente a konta di Kòrsou for di nan punto di bista. Despues e agentenan di biahe por a partisipá den un seshon interaktivo yama ‘Dushi SUP Yoga’ siguí pa un seshon di speed dating kaminda tur partner tabatin e oportunidat di presentá nan akomodashon, aktividat- i paketenan. Na final tur agente di biahe a risibí un tas ku material informativo i un opsekio eksklusivo di Kòrsou.

Riba e delaster dia durante e evento na Kas di Kòrsou serka Minister Plenipotensiario, sr. Anthony Begina i su tim, CTB a tene un enkuentro pa gradisí representantenan di aerolínea, komersio i medionan di komunikashon pa nan trabou i dedikashon na Kòrsou komo destinashon. Tur a risibí un opsekio komo gratitut. E anochi a keda asentuá ku platonan lokal presentá dor di e Chef yu di Kòrsou, Justin Niessen partisipante di Master Chef Holland i doño di su propio restorant na Hulanda. Tambe esnan presente por a disfrutá di un presentashon di Juni Juliet i guest star Lou Prince.

CTB ta gradisí; Papagayo Beach Resort, Santa Barbara Beach & Golf Resort Curaçao, Hilton Curaçao, Acoya Curaçao Resort Villas & Spa, Sunscape Curaçao Resort Spa & Casino, Renaissance Curaçao Resort & Casino, Lions Dive and Beach Resort, Avila Beach Hotel, Morena Resort, Amalia Boutique Hotel, Kura Hulanda Village & Spa i Oasis Parcs Coral Estate pa nan partisipashon. Por mira bèk riba un eksitoso roadshow na Hulanda.

Nota:
Un bista di e roadshow na Hulanda

 

====================

 

Curaçao Road Show with 150 Travel Agents Participating
in the Netherlands …

WILLEMSTAD – October 9, 2018 –The Curaçao Tourist Board (CTB), together with its private-sector partners, recently completed a successful road show in the Netherlands. Curaçao is the most popular Caribbean destination among Dutch travelers, and that is why the CTB organized the road show in this country, to give its hotel-industry partners in Curaçao the opportunity to get travel agents acquainted with all that the island has to offer as a tourist destination.

The team spent three days providing travel agents with up-to-date information on our destination. The first day of the road show was held at the TUI Call Center in Enschede and the Corendon Call Center in Haarlem, with 60 travel agents in attendance. On the next day, a session was held with 30 agents in Breda. On the last day, the team met with 25 travel agents in Hoofddorp and 40 others at the Curaçao House in the Hague. The three days of information sharing were each divided into two parts: Before noon, a number of seminars provided hotel representatives with up-to-date information on the Dutch market, and specifically in connection with business, trends, marketing and public relations. Each afternoon session started with a presentation on Curaçao and a dialogue in which the CTB’s team elaborated on the most memorable Curaçao experiences. The hotels and travel agents in attendance each shared information about the island from their own unique perspective. Next, the travel agents participated in an interactive session named “Dushi SUP Yoga,” followed by a speed-dating session in which each partner had the chance to provide information on its accommodations, activities and packages. At the conclusion, all travel agents received a goody bag with educational materials, as well as a limited edition Curaçao branded gift.

At the event held on the last day of the roadshow at the Curaçao House in the presence of Minister Plenipotentiary Mr. Anthony Begina and his team, CTB gave a number of airlines, trade and media partners a token of appreciation for their work and dedication in promoting Curaçao as a destination. The evening was highlighted by local dishes presented by Curaçaoan Chef Justin Niessen, a participant in the Master Chef Holland competition and owner of his own restaurant in the Netherlands. Those in attendance also enjoyed a musical performance by Juni Juliet with, as guest star, Lou Prince.

The CTB wishes to thank Papagayo Beach Resort, Santa Barbara Beach & Golf Resort Curaçao, Hilton Curaçao, Acoya Curaçao Resort Villas and Spa, Sunscape Curaçao Resort Spa & Casino, Renaissance Curaçao Resort & Casino, Lions Dive and Beach Resort, Avila Beach Hotel, Morena Resort, Amalia Boutique Hotel, Kura Hulanda Village & Spa and Oasis Parcs Coral Estate for their participation, as we look back at a successful road show in the Netherlands.

 

Advertisements
error: Content is protected !!
%d bloggers like this: