Advertisements

KOMUNIKADO DI KUERPO POLISIAL KÒRSOU Tepnan di tráfiko.

KOMUNIKADO DI KUERPO POLISIAL KÒRSOU

420 / 2018

11 òktober 2018

Tepnan di tráfiko.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

En konekshon ku tráfiko insigur, kousá mayoria bia pa komportashon inadekuá di esnan ku ta partisipá den tráfiko, polis a haña ku ta oportuno pa bini ku algun rekomendashon pa promové seguridat.

 Papia na òf hasi uso di telefòn selular ta un di e mayor kousanan di aksidente riba nos kareteranan . Dor di hasi yamada tras di stür, app òf ta riba media sosial, bo ta ménos alerta. Para un ratu na kantu na un sitio sigur i atendé bo yamada den tur trankilidat.

 Korementu di vehíkulo bou di influensiá di alkohòl òf otro supstansia prohibí. Esaki sigur tin efekto riba bo komportashon di manehá. Bo ta reakshoná ménos lihé riba situashonnan peligroso òf hustamente ta sòru pa un aktitut hopi agresivo den tráfiko.

 Surpasamentu di e velosidat máksimo: Mas duru bo kore, mas tantu ta dura tambe promé ku bo por logra para e vehíkulo. No lubidá ku ta ku e mesun velosidat ei, bo ta dal tambe ku e velosidat tradusí den forsa.

 Pasamentu den lus kòrá: Esaki ta un forma sumamente iresponsabel i egoista di atendé den tráfiko. E shofùr ku su lus a bira bèrdè, mester por tin e konfiansa ku e por krusa e kaya òf krusada sin kore peliger.

 Korementu iresponsabel: Konsientemente falta i/o neglishá reglanan di tráfiko, demostrando un komportashon agresivo i violento. Reglanan tei pa sigui nan. Kaminda bo deber ta terminá, derecho di un otro ta kuminsá.

 Kome durante ku bo ta stür, makiá kara òf okupá bo mes ku otro asuntunan durante ku bo ta manehá vehíkulo. Mas lihé ku bo ta pensa, bo konsentrashon kompletu ta bai riba e loke ku bo ta hasiendo i den un frakshon di sekònde bo a kousa un aksidente di tráfiko. Maske kon poko poko bo por ta koriendo den un fila, e chèns ta grandi ku bo por dal tras di un outo bo dilanti.

 Sòru pa semper bo tin bo faha di seguridat bistí. No ta un fabor bo ta hasi polis. Esaki ta bo protekshon na momentu di un aksidente.

Nos ke enfatisá tambe riba vehíkulonan den estado tékniko defisiente ku ta subi kaya òf di kua dokumentunan no ta na òrdu.
Kada individuo ku ta manehá un vehíkulo mester ta konsiente di e rísikonan ku e ta eksponé su mes i otronan na dje, na momentu ku e ta aktua kontra di leinan di tráfiko.
Polis lo sigui ku kontrol riba nos kamindanan públiko. Pero ta deber di kada un di nos pa por tin un sentido síviko di ta responsabel den tráfiko, protehando nos mes i otro.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: