Advertisements

Pronóstiko di tempu pa Kòrsou i bisindario bálido te djaweps mainta 6:00 o.l, 11 di òktober 2018.

Pronóstiko

Pronóstiko di tempu pa Kòrsou i bisindario bálido te djaweps mainta 6:00 o.l, 11 di òktober 2018.
Kompilá: djárason 10 di òktober 2018, 05:00 o.l. (09:00 UTC)

KÓDIGO HEL: UN MENSAHE DI PREKOUSHON PA MAL TEMPU TA NA VIGOR PA KÒRSOU.

Tempu: Shelu ta parsialmente te hopi nublá i prinsipalmente awe, ku periodikamente algun áwaseru i ku welek i bos lokalmente.

Temperatura máksimo lo alkansá 31 ºC i temperatura mínimo 25 ºC.
Solo ta sali 06:25 i ta baha 18:20 o.l.

Bientu: For di un direkshon generalmente ost i moderá; forsa 3 te 4 (12 te 30 km/ora, 7 te 16 nudo). Prinsipalmente durante di dia i den posibel áwaseru, de bes en kuando basta fuerte den ráfaga: forsa 5 (31 te 39 km/ora, 17 te 21 nudo).

Situashon general: Un disturbio riba laman Karibe lo influenshá e tempu den nos region i espesialmente awe, áwaseru lo kai riba partinan di Kòrsou. Algun di e yobidanan aki por ta lokalmente fuerte i okashoná asina molèster na e luganan di kustumber.

Kondishon di laman: Trankil te moderá ku altura di ola entre di 0.5 i 1.5 meter (2 pa 4 pia).

Sistemanan signifikante di wer tropikal: Tormenta Tropikal Leslie a intensifiká i a wòrdu klasifiká komo un orkan miéntras e ta sigui riba e parti sentral di Osean Atlántiko Nort i ta moviendo den direkshon sùit-sùitost. Orkan Michael tabata situá riba parti nort di e Golfo di México, miéntras ku e tabata moviendo den direkshon nort aserkando parti sùit di Estados Unidos. Tormenta Tropikal Nadine tabata situa awe riba e parti sùitost di Atlántiko Nort. E tres sistemanan aki no ta un menasa pa Kòrsou.

Fenómeno spesial: Ningun.

Perspektiva te djabièrnè mainta: Shelu lo ta de bes enkuando hopi nublá ku chèns pa awa kai un bes mas. Tambe bos por zona.

Meteorólogo: Coffie

 

.

.

.

.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: