Advertisements

LWI su di dos Konferensia anual di Integridat

LWI su di dos Konferensia anual di Integridat

 

Willemstad, 9 di òktober 2018 – Otro siman djabièrnè 19 di òktober e fundashon Leading with Integrity (LWI) lo organisá su di dos konferensia anual riba integridat entitulá ‘Beyond Self Interest’ na Sta Barbara Golf & Beach Resort. Despues di a konta ku presensia di mas ku 300 partisipante na 2017, e aña aki tambe tin hopi interes en partikular pa e tema, ku e biaha aki lo ta korupshon. Na inisio di aña e fundashon a hasi un sondeo na Kòrsou pa midi e persepshon di korupshon bou di diferente gremio den nos komunidat.  Resultado di e sondeo lo keda revelá durante e konferensia. Alabes lo tin diferente oradó lokal i internashonal ku lo trata e tema for di diferente area di ekspertisio. E oradó prinsipal, Fazale Rana, PhD for di Merka lo trata e impakto biokímiko ku un bida ku no ta integro tin riba bo salú. Durante e konferensia tambe lo lansa e buki nobo skirbí pa e presidente di LWI Nelson Foendoe entitulá: ‘Becoming a person of Integrity.’ Pa medio di un programa variá, partisipantenan lo tin amplio oportunidat pa hasi pregunta i interkambiá ku tantu oradónan komo otro profeshonalnan riba e tema.

Pa mas informashon por tuma kontakto ku Leading with Integrity Foundation via email na info@lwi-foundation.org, subi e website www.lwi-foundation.org, bishitá nan Facebook page: Leading with Integrity òf yama 789-3098/ 516-9747.

Riba potrèt por mira presidente di Leading with Integrity Foundation, Sr Nelson Foendoe, kompaña pa un kolaboradó di e fundashon, Sra Raiza Martis-Martina.

.

.

.

.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: