Advertisements

Pronóstiko di tempu pa Kòrsou i bisindario bálido te djárason mainta 06:00 o.l, 10 di òktober 2018.

Pronóstiko

Pronóstiko di tempu pa Kòrsou i bisindario bálido te djárason mainta 06:00 o.l, 10 di òktober 2018.
Kompilá: djamars 9 di òktober 2018, 05:00 o.l. (09:00 UTC)

Tempu: Por lo general parsialmente nublá i awe mainta lo kai lokalmente un tiki awa. Wer lo ta generalmente seku durante di atardi i anochi. Mañan mardugá lo kai un òf mas áwaseru.

Temperatura máksimo lo alkansá 33 ºC i temperatura mínimo 26 ºC.
Solo ta sali 06:25 i ta baha 18:21 o.l.

Bientu: For di un direkshon ost i generalmente moderá; forsa 3 te 4 (12 te 30 km/ora, 7 te 16 nudo). Prinsipalmente durante di dia i den posibel áwaseru, de bes en kuando basta fuerte den ráfaga: forsa 5 (31 te 39 km/ora, 17 te 21 nudo).

Situashon general: Un ola tropikal riba parti sentral di Área di Karibe ta sigui move bai den direkshon wèst. A pesar di esei algun nubia lo sigui desaroyá riba nos region durante di awe i mañan i lokalmente lo kai algu di áwaseru. Mas aleu, un otro disturbio ta bai desaroyá djaweps riba parti sentral di Laman Karibe i ta antisipá ku e sistema aki lo bai kousa un oumento di aktividat di áwaseru riba nos region.

Kondishon di laman: Trankil te moderá ku altura di ola entre di 0.5 i 1.5 meter (2 pa 4 pia).

Sistemanan signifikante di wer tropikal: Tormenta Tropikal Leslie tabata situá ketu bai riba e parti sentral di Osean Atlántiko Nort i awor ta moviendo den direkshon sùit sùitost. Orkan Michael tabata situá awe mardugá riba parti sùitost di Golfo di México, miéntras ku e tabata moviendo den direkshon nort nortwèst. E dos sistemanan aki no ta un menasa pa Kòrsou.

Fenómeno spesial: Ningun.

Perspektiva te djaweps mainta: Shelu lo ta bastante nublá ku un oumento den e posibilidat di áwaseru, kompañá de bes en kuando pa welek ku bos.

Meteorólogo: Capello

E próksimo boletin di tempu lo wòrdu publiká djamars 11:00 o.l. (15:00 UTC).

 

,

,

,

,

,

 

Advertisements
error: Content is protected !!
%d bloggers like this: