Advertisements

Promé kompetensianan di Curaçao Open 2018 a kuminsá

Promé kompetensianan di Curaçao Open 2018 a kuminsá

Ku un entusiasmo enorme tenistanan partisipante na ITF Curaçao Open 2018 awe mainta a kuminsá kompetí den e promé weganan ITF Junior di tènis. A pesar di e awaseru ku a pone ku e weganan a kuminsá dos ora mas lat, esaki di ningun manera no a afektá e entusiasmo di e tenistanan.

E promé weganan a kuminsa ku kompetensianan single maskulino siguí pa esnan femenino. Di un total di 6 mucha homber di Kòrsou ku a partisipá na e promé ronda, 2 a gana i ta sigui pa e segundo buelta. Ta trata di Xaveam van Wijk ku a gana Russel Armstrong di Virgin Islands 6-1 i 6-2 i Quintan van Wijk ku a gana Santiago Diaz Toliva di Mexico ku un score di 7-6 i 6-3.

Demas tenistanan di e kompetensianan maskulino single ku a gana awe ta Esteban Lopez di Colombia, Nicholas Gore di Jamaica, Richard Mallory di Bermuda, William Priddy i Andrew Immink di Merka, Phillippe Mercelina di Sint Maarten, Aidan Carter di Trinidad, Jack Barnett di Australia i Nikolas Tvedt di Noruega.

Di e kompetensianan femenino single te ku awor Sarinah Maduro di Kòrsou a gana Aethielle Kelkboom di Aruba ku un score di 6-4 6-3 i Daphne Sommer a gana Julia Triska di Monaco ku un score di 6-3 5-7 6-4. E ganadónan ta pasa pa e siguiente ronda.

Demas tenistanan di e kompetensianan femenino ku a gana awe ta Xintong Zhou di China, Artemis Pados di Merka, Selena Bird di Merka, Kayla Solagnier di Aruba, Victoria Sanchez Bronzetti di Spaña, Daimy Paula di Hulanda i Ana Sofia Angeles di Mexico.

Kòrda ‘like’ e página di facebook di Tennis Federation Curacao pa keda na altura di tur akontesimentu di e siman di ITF Curacao Open 2018.

Advertisements
error: Content is protected !!
%d bloggers like this: