Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Mester instalá “buitengewone opsporings agenten” pa por yuda atendé ku maltrato di animal.  

Mester instalá “buitengewone opsporings agenten” pa por yuda atendé ku maltrato di animal.

 

Resientemente nos ta tuma nota di un ola di maltrato i abandono di bestia spesialmente di kachó kasi rònt Kòrsou. Miéntras Frakshon di MAN den Parlamento ta trahando riba e Lei di Bienestar di Animal ku mester bira e kaderwetgeving ku mester bai traha kuné den futuro pa kombatí maltrato di animal riba nos dushi Kòrsou. Aktualmente maltrato di animal ta kai bou di kuerpo polisial ku no tin maltrato di animal komo prioridat ni polis sufisiente pa atendé ku e problema grandi aki.Kon ta atendé ku maltrato di bestia ta basa riba diferente leinan komo base legal manera den nos Kódigo Penal art. 3:10 (dierenleed) 2:235 i LvO Openbare Orde artikulo 68 i tambe Hondenverordening art.1 ,4 i 10.

Segun estudionan hasi riba na nivel mundial ta prueba ku maltrato di animal tin un konekshon ku maltratonan relashonal/doméstiko den kasnan di famia ,ku aki na Kòrsou ta oumentando espantosomente. Muchanan ta lanta sin amor pa bestia pa motibu ku nan ta ekspresá e agreshon ku nan ta mira na kas i kontra di nan bèk dor di maltratá e bestianan. Aktualmente tin un nesesidat hopi grandi pa instalá Buitengewone opsporings politie agenten ku por yuda ku e trabou di kombatí i kontrolá maltrato di animal i aliviá e trabou di polisnan. Segun mi a komprendé ku tin un lista di mas di 18 persona ku aktivamente di diferente instansianan ta yuda bestianan bandoná i maltratá, pero dor ku nan no a wòrdu huramentá komo BAVOPOL no por hasi e trabou mas efisiente ku e outoridatnan nesesario. Dierenbescherming tin un persona ku diariamente ta yuda pero tampoko no a wòrdu huramentá komo BAVOPOL.Mester duna Dierenbescherming i Curaçao Zoo na nan disposishon algun BAVOPOL ku sosten di Polis ora mester di un streke arm òf asuntu nan den kuadro penal pa asina yuda kombatí maltrato i abandono di animal aki na Kòrsou.

Banda di instituí e BAVOPOL nan aki mester sòru pa nan haña un opleiding na RVO riba Bienestar di animal, traha proseso verbaal, konosementu di animal etc. pa asina esaki wòrdu ehekutá di un manera profeshonal.

 

Relashoná ku e tópiko aki sr Mc William a hasi Minister di Hustisia algun pregunta:

  1. Minister di opinion di maltrato di animal ta un indikador di agreshonnan doméstiko?
  2. Minister ta di opinion ku e problema di maltrato di animal aki na Kòrsou ta demasiado grandi?
  3. Minister ta di opinion ku kuerpo Polisial no tin sufisiente polis pa atendé ku e problema aki?
  4. Minister ta di opinion ku nombramentu di algu BAVOPOL lo yuda ku e problema aki ?
  5. Ta posibel bini ku opleiding na RVO spesialmente pa e agentenan aki manera tabata e plan na 2015?
  6. Kuantu sèn un opleiding asina aki lo kosta pa BAVOPOL?

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: