Advertisements

E SELEKSHON DI BONEIRU LO ENFRENTÁ JAMAICA DIA 14 DI ÒKTOBER DEN STADION ERGILIO HATO! E 23 HUNGADÓNAN DI E SELEKSHON TA KONOSÍ!

E SELEKSHON DI BONEIRU LO ENFRENTÁ JAMAICA DIA 14 DI ÒKTOBER DEN STADION ERGILIO HATO!

E 23 HUNGADÓNAN DI E SELEKSHON TA KONOSÍ!

E selekshon di Boneiru ta kla pa nan segundo kompromiso bálido pa e kampionato di Nations League organisá pa CONCACAF. Esaki lo tuma lugá djadumingu 14 di òktober próksimo den Stadion Ergilio Hato na Kòrsou pa 6’or di atardi. Durante e partido aki Boneiru lo bai midi forsa ku e selekshon di Jamaica.

Djaweps 11 di òktober pa 6:45pm, e direktor tékniko Sr. Robert ‘Oby’ Winklaar huntu ku su staf tékniko lo duna un konferensia di prensa na Klup Avanti (Antriol) pa dialogá tokante e último simannan ku nan a replasá direktor tékniko Cristorri ku ta den eskterior.

E selekshon di Boneiru lo biaha djabièrnè mainta trempan pa Kòrsou pa sigui ku e preparashonnan aki i lo hospedá na Acoya Resort.

Riba djabièrnè i djasabra promé ku wega, lo tin algun seshon di training komo preparashon pa e kompromiso di djadumingu.

Despues di a sondiá diferente hungadó lokal, awe e ‘team manager’ Sr. Patrick Mariana a hasi entrega di e nòmbernan ofisial di un grupo di 23 hungadó ku ta forma parti di e selekshon ku lo partisipá na e partido aki.

E siguiente hungadónan a keda selekshoná pa forma parti di e selekshon;

Portero:

Rishison Frans

Jurven Clara

Raigel Molina

 

Defensa:

Igmard Gijsbertha

Robert Frans

Rilove Janga

Ilfred Piar

Keanu Hunt

Leroy van Dongen

Jonathan Emerenciana

Terrence Trinidad

Bolante:

Lacey Pauletta

Edshel Martha

Jerson Agostien

Derrick Lugo

Jermain Windster

Marnix Eustachia

Terrence Frans

 

Delantero:

Sergio Mercera

Giovanny Janga

Alsi Anthony

Yurick Seinpaal

Ayrton Cicilia

 

 

Karchinan pa e partido aki lo ta optenibel for di 3’or di atardi na e lokètnan di SDK.

Preis pa e enkuentro aki ta fl.10,- pa adulto miéntras mucha te ku 12 aña i 60+ ta paga fl.5,-.

 

Un yamada ta bai na pueblo di Kòrsou i tambe tur boneriano bibá riba nos dushi isla pa bin apoyá i sostené e selekshon di Boneiru ku lo enfrentá Jamaica 14 di òktober den Stadion Ergilip Hato, 6’or di atardi!

 

 

 

 

Advertisements
error: Content is protected !!
%d bloggers like this: