Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Pronóstiko di tempu pa Kòrsou i bisindario bálido te djaluna atardi 18:00 o.l, 8 di òktober 2018.

Pronóstiko

Pronóstiko di tempu pa Kòrsou i bisindario bálido te djaluna atardi 18:00 o.l, 8 di òktober 2018.
Kompilá: 
djadumingu 7 di òktober 2018, 17:00 o.l. (21:00 UTC)

Tempu: Shelu lo ta levemente nublá awe nochi trempan. Mas lat lo bira de bes en kuando hopi nublá ku lokalmente un òf mas áwaseru entre di awe anochi lat i mañan mainta. Mañan den dia wer seku lo prevalesé un biaha mas.

Temperatura máksimo lo alkansá 33 ºC i temperatura mínimo 26 ºC.
Solo ta sali 06:25 i ta baha 18:22 o.l.

Bientu: For di un direkshon ost i generalmente moderá; forsa 3 te 4 (12 te 30 km/ora, 7 te 16 nudo). Prinsipalmente den posibel áwaseru, de bes en kuando basta fuerte te fuerte den ráfaga: forsa 5 te 6 (31 te 50 km/ora, 17 te 27 nudo).

Situashon general: Un ola tropikal tabata situá awe tardi riba parti oriental di Área di Karibe i ta moviendo den direkshon wèst. Ta antisipá ku e sistema aki lo yega nos region mas lat awe nochi i dor di esei nubianan lo bai oumentá. Espesialmente durante di mardugá i mainta algun di e nubianan aki lo generá un par di áwaseru ku lo kai riba parti di nos isla. E sistema aki lo sigui move bai den direkshon pabou i lo bandoná nos área mas lat den dia, mañan. Konsekuentemente nos wer lo bai bira generalmente seku na e momentonan ei.

Kondishon di laman: Trankil te moderá ku altura di ola entre di 0.5 i 1.5 meter (2 pa 5 pia).

Sistemanan signifikante di wer tropikal: Tormenta Tropikal Leslie tabata situá ketu bai riba e parti sentral di Osean Atlántiko Nort i ta moviendo den direkshon ost sùitost. Depreshon Tropikal Dieskuater a ser klasifiká awe mèrdia komo Tormenta Tropikal Michael i tabata ubiká serka di e península di Yucatán, México. E dos sistemanan aki no ta un menasa pa Kòrsou.

Fenómeno spesial: Ningun.

Perspektiva te djamars atardi: Por lo general parsialmente nublá i lokalmente lo kai algu di áwaseru durante di djamars mardugá i mainta.

Meteorólogo: Capello.

E próksimo boletin di tempu lo wòrdu publiká djaluna 05:00 o.l. (09:00 UTC).

 

.

.

.

.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: