Advertisements

KOMUNIKADO DI KUERPO POLISIAL KÒRSOU Detenshon i drone konfiská.

KOMUNIKADO DI KUERPO POLISIAL KÒRSOU

414 / 2018

7 òktober 2018

Detenshon i drone konfiská.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 7 di òktober 2018 alrededor di 12.58, Sentral di Polis a risibí informashon ku
den área di Bapor Kibrá tin un pikòp ku den su baki un drone ku probablemente tabata
transportá droga pa prisòn.
Mesora a dirigí unidat na e sitio i a bin topa ku e pikòp aki.
A kuminsá un persekushon den algun kaya den Koral Specht i riba Dr. Maalweg polis a logra
di para e vehíkulo aki.
Na e sitio a detené e hòmbernan H v.d. G. Di 20 aña di edat i L.A.R. di 19 aña di edat,
ambos nase na Kòrsou. Tambe a konfiská e drone.
Kontinuando ku e investigashon, a tene tres (3) entrada hudisial na respektivamente Kaya
Sakadó, Welensaliweg i Groothornstraat.
Na e kas den Kaya Sakadó, polis a detené e hòmber J.A.D.D. di 33 aña di edat nase na
Kòrsou i na Welensaliweg a konfiská algun artíkulo, ku ta di importansia pa e investigashon.
Investigashon den e kaso aki ta kontinuá.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: