Advertisements

Komienso ofisial trabounan na kompleho deportivo Marie Pampoen / Work on Marie Pampoen Sports Complex Officially Started

Komienso ofisial trabounan na kompleho deportivo Marie Pampoen

 

WILLEMSTAD- 5 di òktober 2018 – Resientemente Ofisina di Turismo di Kòrsou (CTB) ku ta enkargá ku kordinashon di e aria di rekreo na Marie Pampoen a organisá un enkuentro pa asina ofisialisá komienso di e trabounan na e kompleho deportivo eksistente na Marie Pampoen. Komo parti di e trabounan ku ta tumando lugá na e aria di Marie Pampoen, e kompleho deportivo lo bai keda rekonstruí den un fasilidat nobo. E proyekto desaroyo aria di rekreashon Marie Pampoen ta un inisiativa di Ministerio di Desaroyo Ekonómiko huntu ku Ministerio di Tráfiko, Transporte i Planifikashon Urbáno i Ministerio di Salubridat Públiko, Medio Ambiente i Naturalesa. Na e enkuentro a hiba palabra Minister Steven Martina, Minister Zita Jesus Leito i Minister Suzy Camelia Römer. Tur a ekspresá nan satisfakshon ku e anunsio ofisial di e trabounan ku lo bai start pa asina konstruí un kompleho deportivo nobo. Tambe e atardi a konta ku diskurso di sr. Edfrim Reina di Fundashon Desaroyo Marie Pampoen i Bisendario i tambe sr. Andy Janga di Fundashon pa Progreso Marie Pampoen.

E kompleho deportivo nobo lo enserá un edifisio inkluyendo espasio pa un ofisina, snèk, terasa, kleedkamer i tualèt. Tambe lo bini un vèlt multi funshonal pa basketbòl i vòlibòl, dos vèlt pa bolas krioyas i un vèlt pa futbòl ku yerba artifisial. Na aña 2015 a enkargá CTB ku desaroyo di e aria di rekreashon Marie Pampoen. Despues di risibí tur e pèrmitnan nesesario konstrukshon di e aria parti Wèst a kuminsá na aña 2016. Na aña 2017 e fase aki a keda konkluí. Awor ta sigui ku e kompleho deportivo nobo.

CTB i demas partnernan den e proyekto ta gradisí tur usuario i spesialmente habitantenan di Marie Pampoen pa e komprenshon i pasenshi pa kualke molèster ku e trabounan por kousa i ta kòrda tur usuario ku ta únikamente huntu nos por pèrkurá pa e aria aki keda mantené komo un lugá agradabel pa nos hendenan i turistanan por rekreá.

==================

 

Work on Marie Pampoen Sports Complex Officially Started

 

WILLEMSTAD- October 5, 2018 – The Curaçao Tourist Board (CTB), coordinator of the Marie Pampoen Recreational Area project, recently organized a get-together to mark the official start of works on the existing Marie Pampoen sports complex. As part of the works currently underway in that area, the sports complex will be rebuilt as a completely new facility. The Marie Pampoen Recreational Area development project is an initiative of the Ministry of Economic Development, together with the Ministry of Traffic, Transportation and Urban Planning and the Ministry of Public Health, the Environment and Nature. Ministers Steven Martina, Zita Jesus Leito and Suzy Camelia Römer, all addressed the crowd at the event, expressing their satisfaction at the announcement that the work is now officially on the way for a new sports complex. The program that afternoon also included addresses by Mr. Edfrim Reina of Fundashon Desaroyo Marie Pampoen i Bisendario (the Marie Pampoen and Surroundings Development Foundation) and Mr. Andy Janga of Fundashon pa Progreso Marie Pampoen (the Marie Pampoen Progress Foundation).

The new sports complex will include a building with office space, a snack bar, a terrace, dressing rooms and toilets, as well as a multifunctional basketball and volley field, two “bollas criollas” (boules) fields and an artificial-grass soccer field. The CTB was put in charge of developing the Marie Pampoen Recreational Area in 2015. After obtaining all required permits, construction of the western section was started in 2016. That phase was completed in 2017. Next in line now is the new sports complex.

The CTB and its partners in this project wish to thank all users of the area, and especially the inhabitants of Marie Pampoen, for their patience and understanding in connection with any inconveniences as a result of the construction. We are counting on the cooperation of all visitors to the area, to keep it clean and enjoyable, both for our own community and for the island’s visitors.

 

Advertisements
error: Content is protected !!
%d bloggers like this: