Advertisements

Kombenio Doble R. i J. Juliet

L.S.

Pa medio di esaki mi ta partisipá, ku señor J. Juliet ku mi persona, a yega na un entendimentu.

A keda kumbiní entre e dos partidonan, ku e proyekto “The Legends” por sigui ku su presentashonnan, uzando komposishonnan di mi (Rignald S. Recordino), tanten e organisashon “Doble Klásiko” no sali perhudiká òf difikultá for di esei.

Señor Juliet ta komprometé su mes alabes, pa kumpli ku e derechonan di outor, manera lei ta stipulá.

E kombenio aki ta bálido pa un temporada definí.

A keda palabrá tambe, ku después di e temporada, partidonan lo evaluá kon kosnan a bai i lo disidí ku ta kontinuá, modifiká òf anulá e kombenio.

Mi kier a gradisí mi amigu Gregory Colina inmensamente pa su esfuersonan ku tabata instrumental i determinante pa a yega na un final felis i digeribel pa tur hende. Tambe lo mi ker a hasi menshon di e papel sumamente balioso ku mi famia, amigu- i fanátikonan tabatin den e asuntu aki. Nan sabiduria i konsehonan a sirbimi komo guia den tumamentu di un desishon ophetivo, balansá i no muchu emoshonal.

Un desishon bastante difisil por sierto … pasó kon ku bai bin ta trata di algu den kual m’a inbertí hinter un bida.

Por ùltimo lo mi ker a deseá señor Juliet i “The Legends” éksito den nan presentashonnan, i ta spera ku nan lo sa di reprodusí e repertorio ku e debido kuido i dedikashon ku públiko meresé.

 

Rignald S. Recordino

(Doble R)

 

 

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: