Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Karta pa miembro di parlamento señor Curtley Obispo tokante publikashon periodo di informashon maneho di personal.

Na:
Miembro di Parlamento señor Curtley Obispo
Pa medio di señor William Millerson, presidente
Wilhelminaplein 4
Presente

Kòrsou, 5 di òktober 2018

Kódigo di Kaso
0047-1 V/18-19

Tópiko:
Publikashon Periódiko di informashon maneho di personal

Honorabel señor Obispo,

Den bo karta di 2 di òktober último, bo ta hasi referensia na e ‘Eilandsverordening Publicatie Beleidsinformatie Curaçao (AB 1998 no. 4), zoals gewijzigd bij AB 1998 no. 82’. Tambe bo ta skirbi den bo karta ku e ordenansanan aki ta na vigor i komo tal Gobièrnu di Kòrsou tin e obligashon pa denter di 3 siman despues di fin di kada luna reportá un ke otro na Parlamento di Kòrsou. Mi ta informá bo respetuosamente di no ta kompartí bo opinion.

T’asina ku e ordenansa en kuestion tin su base den ‘Eilandenregeling Nederlanse Antillen’ (PB 1951, no. 31), miéntras tambe t’asina ku e areglo aki ta riba e asina yamá ‘negatieve lijst’ en konekshon ku e kambio estatal di 2010. Konsekuensia di e echo aki ta ku tur ordenansa ku ta basá riba ‘Eilandenregeling Nederlanse Antillen’ (PB 1951, no. 31) tambe a pèrdè na vigensia hurídiko. E konklushon na kua ami ta yega ta ku aktualmente no tin ningun obligashon legal pa Gobièrnu hasi publikashon di e informashon na kua bo ta referí.

Ta ku masha plaser mi ta informá bo ku Gabinete Rhuggenaath, pa motibu ku e ke ta transparente, ta aktuá konforme e intenshon di e ordenansa menshoná. Den e kuadro aki mi ta informá ku Parlamento, na momentu ku bo risibí e karta aki, ya mester ta den posishon di e reportahe ku ta konserní e periodo di sèptèmber 2017 te ku yüni 2018. E reportahenan pa loke ta trata lunanan di yüli, ougùstùs i sèptèmber 2018 ta aktualmente den proseso. Parlamento lo risibí e reportahenan aki tan pronto nan keda entregá na Minister di Gobernashon, Planifikashon i Servisio Públiko i konsekuentemente keda aprobá dor di Konseho di Ministernan.

Minister di Gobernashon, Planifikashon i Servisio Públiko

Armin E. Konket

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: