Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Sierra Leone ta sorprendé ahedresistanan maskulino

Sierra Leone ta sorprendé ahedresistanan maskulino

 

E tim maskulino di Kòrsou a pèrdè ayera, djaweps 4 di oktober 2018, sorprendentemente di Sierra Leone: 2,5-1,5. Wim Blijstra a sufri su di tres derota siguí, despues di tabata invikto pa 6 buelta. E ekipo femenino a pèrdè ku 4-0 di Malta.

Hopi remarkabel ta e kaida di Blijstra den e último tres serinan di Kòrsou. E tabatin chèns pa gana òf tabla den tur e enkuentronan aki, pero a pèrdè. Ayera tambe e tabatin bon wega ku pretu. Finalmente ela pèrdè di Ansumana Kamara di Sierra Leone.

Na e tres otro tableronan e weganan a tèrminá den remise (empate). Na tablero number 2 Ursus van Bemmelen tabata ganá pero a faya den e toke final i asina pone ku Mansfield Gerald via di hake eterno a forsá un empate. Na e di tres tablero Rurik Capella tambe tabatin wega ganá pero no a logra tòg i asina e tambe a kumbiní tabla ku Ronald Lwebuga. Finalmente Jimmy Izijk tambe tabatin ventaha leve kontra di Brian Beckley, pero kaminda ku su kontrinkante a defende bon i skohe pa un sistema sigur di tabla.

Kontrali na e tim maskulino, e ahedresistanan femenino tabatin un mal dia den buelta numer 10 kontra di Malta ku a gana ku 4-0. E resultadonan ta: Ailèn Mena (blanku) vs Oana Caruana Pulpan 0-1, Arzy Zahia Salim-Moussa (pretu) vs Filipina Thornton 0-1, Taqesyah Marcos (blanku) vs Jamie Farrugia 0-1 en Seydi Salim-Moussa (pretu) vs Milena Stagno 0-1.

Den e di 11 buelta e hóben ekipo femenino di Kòrsou ta hunga kontra di Senegal, miéntras ku e ahedresistanan maskulino ta kontra di Bahamas.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: