Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

KONSIERTO PA REKOUDA FONDO RIBA FREEWINDS DJASABRA 13 DI OKTOBER

KONSIERTO PA REKOUDA FONDO RIBA

FREEWINDS DJASABRA 13 DI OKTOBER

 

WILLEMSTAD – Djasabra dia 13 di oktober awor, lo tin un konsierto pa rekouda fondo ku lo tuma luga riba e barku Freewinds. Ta trata aki di un konsierto, kaminda e entradanan lo bai pa e organisashon Sea Turtle Conservation Curaçao i tambe un parti pa kubri e gastunan di partisipashon di Miss Earth Curaçao 2018, esta Alexandra Atalita ku na e momentunan aki ya ta na Manila, Filipinas.

Manera ta konosi, den su afan pa hasi mas hende konsiente di nan medio ambiente, Alexandra Atalita a haña un amor grandi pa e organisashon Sea Turtle Conservation Curaçao.

E dianan ku e tabata na Korsou, el a fungi komo boluntario di e organisashon aki i te hasta a sambuyá huntu ku hendenan di e organisashon pa trata na yuda un turtuga ku anzue  pega den su boka.

Sea Turtle Conservation Curaçao ta un organisashon ku konstantemente mester di un yudansa pa asina ei nan por sigui hasi trabounan positivo pa komunidat.

Banda di esaki, Alexandra Atalita su partisipashon na Miss Earth 2018 ta unu bastante kostoso i riba inisiativa di Freewinds, nan a pone e fecha di 13 di oktober disponibel pa asina ei por organisa un konsierto pa rekouda fondo pa tantu Sea Turtle Conservation Curaçao, komo pa yuda Alexandra Atalita den su partisipashon na Miss Earth 2018, ku lo tuma luga dia 3 di november awor.

E KONSIERTO

Pa Loke ta trata e konsierto, lo tin partisipashon di Tony Worrel i tambe Kadir Snijder, dos kantante ku no mester di ningun introdukshon. Tambe ta trahando riba un kantante mas di sorpresa. Asina ku esei ta kla lo anunsie.

The Freewinmds Band lo ta esun ku lo akompaña e kantantenan aki i tambe lo tin partisipashon di NGN Brazz ku ta konsisti di Norman, Giovanni i Norbert riba respektivamente trompet, trombon i saxo.

PREIS DI ENTRADA

E preis di entrada pa e konsierto pa rekouda fondo aki ta di 25 florin. Pa reservashon di karchi mester yama 513-0837 o 569-3977. Si instansianan ta interesa pa kumpra karchi na gran kantidat, por hasi entrega di esakinan tambe.

Di parti di Alexandra Atalita ku ayera djaweps a ateriza na Manila,  e ta sigur ku pueblo di Korsou lo partisipa den e konsierto aki dor di kumpra karchi i asina aporta na un kousa bon i positivo. E mes ta pendiente pa riba e fecha aki laga pasa un grabashon ku e lo hasi for di Filipinas pa pueblo di Korsou.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: