Advertisements

Dia di Bándabou ku atenshon pa Karnaval / Barionan den último preparashon Dia di Bándabou

Dia di Bándabou ku atenshon pa Karnaval

Dia di Bándabou ta dediká atenshon e aña akí na Karnaval di Kòrsou. Den e programa ku tin den Parke Himno i Bandera i e famoso Kaya Chochoria lo tin entre otro desfile di trahe di Karnaval di vários grupo. Fundashon Karnaval di Bándabou lo ta presente pa informá públiko presente di nan programa di Karnaval pa otro aña ora nan ta kumpli 50 aña. E parti karnavalesko akí durante selebrashon di Dia di Bándabou ta en kooperashon ku JAG, Fundashon Karnaval di Bándabou i Fundashon Kultural Banda Bou.

Kaya Chochoria tin en aña aki un variedat di stènt kaminda ta bende grill, kuminda krioyo, artesania, paña, sapatu. Lo tin stènt ku informashon di aseguro tambe den e kaya akí. Pa esnan mas chikitu tin bouncer pa nan bula i gosa nan nan antoho. Tin stènt ku espasio kaminda ta pinta kara pa mucha tambe. Banda di esei tin stènt ku kos di kome i bebe ku mucha gusta manera friofrio, hotdog, suikerspin. Kos di boka dushi.

Na Barber ta selebrá Dia di Bándabou na Parke Himno i Bandera di 0 or di mainta te 22:45 di anochi. E programa pa e dia ta:

10:00 – 12:00 or Muzik di Gospel DJ

12:00 – 14:00 or Muzik di DJ

14:00 – 15:00 or Grupo di baile

15:00 – 17:00 or Presentashon trahe Karnaval

17.00 – 18:00 or DJ

18.00 – 18:45 or Grupo di Aguinaldo Los Originales

18:45 – 19:00 or DJ

19.00 – 19:45 or Orirí

19:45 – 20.00 or DJ

20: 00 – 20:45 or Grupo di Tambú Braza Braza

20:45 – 21.00 or DJ

21.00 – 21:45 or Grupo di Aguinaldo Los Originales

21:45 – 22:00 or DJ

22:00 – 22:45 or ERA

=====================

Barionan den último preparashon Dia di Bándabou

Na Bándabou abitante di diferente bario ta den delaster fase di preparashon pa selebrashon di Dia di Bándabou djadumingu 7 di òktober awor. E abitantenan ku ta tene un aktividat na nan kas ta drechando kurá i preparando pa kushiná i risibí un i tur ku lo akudí spesial pa e dia grandi akí.

Den un komunikado anterior, Fundashon Kultural Banda Bou, FKBB a para ketu na e selebrashon di Dia di Bándabou na Parke Himno i Bandera na Barber. Den e komunikado akí FKBB ta inkluí un lista pa duna un bista di e e aktividatnan ku ta bai tin. E lista ta spesifiká den ki bario ta bende kuminda sea na kas òf riba kaya. I e ta spesifiká tambe si un hende tin DJ na su kas pa animá òf i si tin banda ta toka.

FKBB ta yama danki na tur hende ku ta akudí djadumingu awor pa yuda nos engrandesé Bándabou. Den e mes rosea FKBB ta deseá un i tur ku ta bini di pariba i esnan ku ta pabou, un selebrashon inolvidabel di e bunita dia akí.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: