Advertisements

BENDEDÓNAN AMBULANTE MESTER TA DISPONE DI UN VENTVERGUNNING

BENDEDÓNAN AMBULANTE MESTER TA DISPONE DI UN VENTVERGUNNING

 

WILLEMSTAD- Ministerio di Desaroyo Ekonómiko (MEO) kier ekstendé un rekordatorio pa medio di esaki na tur persona ku ta bende produkto di forma ambulante pa bai i regla e pèrmit nesesario pa por hasi esaki.

Meskos ku ta e kaso serka personanan ku tin un establesimentu i esnan ku tin un stènt pa bende kos kantu di kaya, personanan ku ta bende produkto di forma ambulante tambe mester ta dispone di un pèrmit bálido pa por hasi esaki.

E pèrmit aki ta e asina yamá ‘ventvergunning’. Den kaso ku un persona ta bende produkto den su baul di outo, riba un baiskel, na pia òf ku un garoshi, e persona aki mester tin su ventvergunning na òrdu.

Departamento di Inspekshon Ekonómiko di Ministerio Desaroyo Ekonómiko a konstatá ku durante di kontròl nan, tin diferente persona ta operando sin e pèrmit konserní i pa e motibu aki e ministerio ta hasi un yamada na un i tur pa regla nan pèrmit mas pronto posibel.

Pa hasi petishon pa un ventvergunning por akudí libremente durante oranan di ofisina na Lokèt di Pèrmit na Saliña 127 (Eurobuilding Unit 3-8) pegá ku Subway òf por yama pa mas informashon na 433-3100.

Pa esnan ku ya kaba tin un ventvergunning na òrdu, un rekordatorio pa semper tin esaki huntu kubo na momentu ku bo ta trahando di moda ku bo no mester haña bomes den un situashon inkómodo na momento di kontrol.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: