Advertisements

Pronóstiko di tempu pa Kòrsou i bisindario bálido te djabièrnè mainta 06:00 o.l, 5 di òktober 2018.

Pronóstiko

Pronóstiko di tempu pa Kòrsou i bisindario bálido te djabièrnè mainta 06:00 o.l, 5 di òktober 2018.
Kompilá: 
djaweps 4 di òktober 2018, 05:00 o.l. (09:00 UTC)

Tempu: Parsialmente te hopi nublá i lokalmente lo kai algu di áwaseru awe mainta i mèrdia trempan. Durante di atardi i anochi trempan wer lo ta generalmente seku. Mañan mardugá tin posibilidat un biaha mas pa awa kai na algun kaminda.

Temperatura máksimo lo alkansá 33 ºC i temperatura mínimo 26 ºC.
Solo ta sali 06:25 i ta baha 18:24 o.l.

Bientu: For di un direkshon generalmente ost i moderá; forsa 3 te 4 (12 te 30 km/ora, 7 te 16 nudo). Den dia òf den posibel áwaseru, de bes en kuando basta fuerte den ráfaga: forsa 5 (31 te 39 km/ora, 17 te 21 nudo).

Situashon general: Un disturbio riba parti sentral di Laman Karibe lo sigui sòru pa desaroyo di bastante nubia riba nos region. Lokalmente lo kai algu di áwaseru riba algun sekshon di nos isla i ketu bai ta eksistí e posibilidat ku bos lo zona na un par di kaminda. Mas aleu, bientu den nos área lo sigui ta di un karakter moderá durante di próksimo dianan i esaki lo kondusí na un eful di kalor sofokante.

Kondishon di laman: Trankil te lokalmente moderá ku altura di ola entre di 0.5 i 1.5 meter (2 pa 4 pia).

Sistemanan signifikante di wer tropikal: Orkan Leslie awe mardugá tabata situá ketu bai riba parti sentral di Osean Atlántiko Nort. E tabata moviendo den direkshon nort i no ta un menasa pa Kòrsou.

Fenómeno spesial: Ningun.

Pèrspektiva te djasabra mainta: Shelu lo sigui ta parsialmente te hopi nublá i ta keda eksistí posibilidat pa awa kai na sierto momentu. Un chèns chikí ku bos lo zona.

Meteorólogo: Capello

 

.

.

.

.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: