Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

Karta di Parlamentario Curtley Obispo: Status di ehekushon di moshon di Parlamento di Kòrsou di dia 24 aprel 2018 relashoná ku e proyekto Hospital Nobo na Otrobanda

Minister di Salubridat, Medio Ambiente i Naturalesa
Sra. Susanne Camelia-Römer
Fort Amsterdam # 17
Presente

Djárason, 3 di òktober 2018

Tópiko: Status di ehekushon di moshon di Parlamento di Kòrsou di dia 24 aprel 2018 relashoná ku e proyekto Hospital Nobo na Otrobanda

Apresiable señora minister Susanne Camelia- Römer,
E moshon di Parlamento di Kòrsou fecha 24 aprel 2018 ta urgi den 4 disederans na Gobièrnu di Kòrsou, 4 aspekto importante pa loke ta trata e proyekto Hospital Nobo Otrabanda. Un moshon aprobá ku votonan general di 20 parlamentario. Den kuadro di e moshon aki, den kuadro di follow up di e moshon aki i tambe den kuadro mi ròl di kontrol komo parlamentario mi ta aserká señora minister ku e siguiente preguntanan, hasiendo uso di mi derecho komo parlamentario pa hasi pregunta konforme artíkulo 96 di Reglamentu di Orden di Parlamento di Kòrsou:
1. Preguntanan a base di e moshon 24 aprel 2018:
a. Kiko ta e status pa loke ta trata e komishon pa hasi un “feitenondezoek” riba e trayekto di e proyekto di e konstrukshon di Hospital Nobo Otrabanda?;
b. Kiko ta e status pa loke ta trata kuentanan anual audita (gecontroleerde jaarrekeningen) di e proyekto Hospital Nobo Otrabanda pa loke ta añanan 2013, 2014, 2015 i 2016? Ki dia Parlamento di Kòrsou por risibí esaki nan?
c. Kiko ta e status pa loke ta trata pa laga hasi un “nulmeting” di e proyekto Hospital Nobo Otrabanda konforme esun ku tabata tin kaba?
d. Kiko ta e status pa loke ta laga hasi un investigashon riba otorgamentu di pèrmit pa hasi uso di Hamelbergweg pa konstruí parti di Hospital Nobo Otrabanda?
2. Kiko ta e liña di tempu (timeline) pa kompletá kada un di e 4 puntonan menshoná ariba na pregunta 1?
3. Kiko ta e status pa loke ta trata kuentanan anual audita (gecontroleerde jaarrekeningen) di e proyekto Hospital Nobo Otrabanda pa loke ta aña 2017? Ki dia Parlamento di Kòrsou por risibí esaki?

Atentamente,

Curtley Obispo
Parlamentario pa Kòrsou PAR

Anekso: Kopia di moshon Parlamento di Kòrsou 24 aprel 2018

 

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: