Advertisements

Awe 4 òktober 2018 riba dia internashonal di animal, MFK i su lider Gerrit Schotte ta felisitá tur instansia, organisashon, siudadano, kriadero i boluntarionan ku ta atendé ku animal.

Kòrsou, 4 di òktober 2018

 

Awe 4 òktober 2018 riba dia internashonal di animal, MFK i su lider Gerrit Schotte ta felisitá tur instansia, organisashon, siudadano, kriadero i boluntarionan ku ta atendé ku animal.

E esfuerso i e bon trabou ku e grupo menshoná aki ta desplegá, dor di kontrolá, kria i adoptá animal, ta importante i balioso pa nos komunidat.

E kantidat di animalnan, ku ta wòrdu maltratá, bandoná, deskuidá i laga na sitionan atras sin kuido a oumentá drástikamente i un di e motibunan prinsipal di esaki ta e situashon ekonómiko ku pais ta pasando aden poniendo asina ku hopi hende no por duna e animal nan aki un bon kuido.

Partido MFK  ta di opinion ku Gobiernu mester duna mas atenshon na kontrol preventivo riba animal nan i duna mas informashon na tur ku ta atendé ku animal, konsiderando ku tin sitio i/o stalnan na Kòrsou kaminda animalnan  ta wòrdu mal kria, maltratá i hasta tin okashon kaminda esakinan ta bira un molèster pa un bario kompletu.

MFK i su lider Gerrit Schotte ta spera ku tur esnan envolví i ku ta atendé ku animal lo reflehá riba e dia importante aki pa nos animalnan i ta spera tambe ku lo sigui ku desaroyonan positivo pa adelanto di nos animalnan.

Nos ke rekordá henter pueblo di Kòrsou ku tin ku amor pa animal, ku por hasi donashon na Dieren Bescherming Curaçao den forma di gesto, pa asina nan por kontinuá ku e trabou ku nan ta manera entre otro, adoptá un animal na distansia, alimentá animal, yudansa médiko i hopi mas.

MFK i su lider Gerrit Schotte ke rekordá nos komunidat ku Dieren Bescherming ta dependé di donashon. Sin donashon Dieren Bescherming no por eksistí.

 

Di parti di Movementu Futuro Kòrsou i su Lider Gerrit Schotte,

Kontinuá ku e bon trabou pa nos animal nan.

 

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

%d bloggers like this: