Advertisements
window.dataLayer = window.dataLayer || []; function gtag(){dataLayer.push(arguments);} gtag('js', new Date()); gtag('config', 'UA-83616463-1');

KTK NA KRUSADA DEBI NA KAIDA DI ENTRADA KOUSA PRINSIPALMENTE PA BAHADA DI TRAFIKO PA REFINERIA ISLA I BULLENBAAI

KTK NA KRUSADA DEBI NA KAIDA DI ENTRADA KOUSA PRINSIPALMENTE PA BAHADA DI TRAFIKO PA REFINERIA ISLA I BULLENBAAI

Willemstad 2 di Òktòber 2018- Kompania di Tou Kòrsou (KTK) ta tumando pasonan di prekoushon enbista di e situashon ku e kompania ta pasando aden, primariamente kousá pa  bahada supstansial di tráfiko den nos hafnan debí na paro di operashon di nos refineria. Resientemente gerensha di KTK a informá diferente aktornan prinsipal, inkluso personal, di e situashon ku KTK ta konfrontando. KTK a konosé un bahada di tráfiko di alrededor 30% den promé 3 kuartalnan di e aña aki. Pa un parti grandi esaki tin di haber ku e paro abrupto di trafiko di barkunan tankero pa Isla i Bullenbaai. E ponementu di beslag di ConocoPhilips riba PDVSA tabatin komo efekto ku ingreso for di aktividatnan na Refineria Isla i Bullenbaai a baha ku alrededor 84% entre Mei pa Ougùstùs di e aña aki kompará ku e mesun periodo den 2017.  KTK su gastunan  operashonal (inkluso kosto di personal) a keda mesun kos, i ta kubriendo esakinan pa medio  di su reservanan. Ta pa e motibu aki gerensha di KTK ta vigilando desaroyonan rondó di nos refineria hopi di aserka. A palabrá ku sindikato ku lo no tin retiro forsoso den 2018 i ku lo envolví sindikato den e trayekto pa realisá ahustenan nesesario pa garantisá kontinuashon di e kompania.

Kousa di kaida den entradanan di KTK

Krisis mundiala bin ta afektá e sektor marítimo en general for di 2012. KTK no a keda di spar for di esaki i tambe a konosé un bahada den su entradanan for di aktividatnan internashonal desde 2012. Esaki tabata debí na vários faktor.  Asina bahada di preis di petroli a kondusí na paro di diferente proyektonan marítimo Off-Shore, konsekuentemente ménos demanda i mas oferta di ‘sleepboot’ ku tripulashon riba e merkado internashonal. Esaki a krese kompetensia den region i a pone tarifanan internashonal inkluso esnan di KTK bou di preshon.   Na 2014 PDVSA a atkirí nan propio flota di ‘sleepboot’ i a terminá kontratonan ‘bare boat’ ku KTK. Durante 2016 i 2017 a eksperensiá diferente paronan di planta inesperá, revishonnan ku durashon largu, produkshon abou di refineria..

Adishonalmente e krisis ekonómiko na Venesuela i embargo di ConocoPhillips riba aktivonan di PDVSA tin efekto bastante serio riba KTK su ingresonan.  KTK ta dependé pa 80% di su entradanan di tráfiko pa Refineria Isla i Bullenbaai.  KTK tin un reto pa ofresá i kompetí ku su servisionan, no opstante e bon reputashon di nos profeshonalnan den haf, debí na nos ‘cost of doing business’ relativamente mas haltu ku esun di kompetidornan den region.

 

KTK mester buska finansiamentu i hasi ahuste

Hasta si e esfuersonan pa logra un terser partido pa e ‘early step in’ pa yuda tene e refineria habrí ta eksitoso,  lo no por spera ku e situashon den nos haf ta bai konosé muchu kambio pa e aña aki mas.

Konsekuentemente e ingresonan di KTK pa resto di e aña aki lo keda limitá na e trabounan ku e kompania ta ehersé den hafnan na Kòrsou, i tambe oportunidatnan ku por presentá riba ‘spot – market’ den region.

Gerensia di KTK entretantu ta hasiendo vários ahuste den kostonan di operashon pa asina por redusí gastunan den kompania. KTK ta trahando kontinuamente, meskos ku a bin ta hasi durante di e último añanan, riba oportunidatnan nobo di trabou den region i tambe desaroyá aktividatnan nobo manera p.e den kolaborashon ku Curoil. Resientemente KTK su sleepboot Manta i tripulashon a sali ku un barge di tou pa Sürnam.

No opstante tur e esfuersonan aki, KTK lo mester buska fasilidat finansiero (overbruggingskrediet) serka banko pa por kubri su operashon den próksimo añanan den espera di un solushon permanente pa Isla i Bullenbaai. Si logra haña bankonan su interes pa otorgá fasilidat finansiero na KTK, lo mester analisá e kondishonnan i tambe konsekuensia ku esaki por tin pa e organisashon den futuro.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: