Advertisements

Reunion públiko riba privatisashon di UTS òf benta kompleto segun Minister i Reunion públiko riba Amnesty International i Krus Kora Hulanda ku ta indiká ku Kòrsou ta faya di kumplí ku derechonan humano

Willemstad, 1 di oktober 2018                                                URGENTE

 

Na: Presidente di Parlamento

Señor  W. Millerson

Wilhelminaplein # 4

PRESENTE

 

Tópiko: Petishon pa reunion públiko ku punto di agènda, benta di akshonnan

  di kompania di gobiernu UTS, no konforme moshon di 9 di desèmber

  2014 di Parlamento

 

Sr. Presidente,

 

Suskritonan, miembronan di e frakshon di MFK den Parlamento, ta aserka bo persona ku e petishon konforme artíkulo 64 di Reglamento di Órden, pa tene un reunion públiko di Parlamento ku karakter di urgensia ku e punto di agènda ariba menshoná.

 

Frakshon di MFK a keda asombrá ku un “Ministerieële Beschikking” (MB) ku a kai den nos brivenbùs i Minister Jesus-Leito a konfirmá den prensa ku ta bai bende entre 0 pa 100 porshento di akshonnan di UTS. Esaki ta kontra di e Moshon.

 

E moshon di Parlamento di Kòrsou fechá 9 di Desèmber 2014, ta bisa gobièrnu pa hasi lo siguiente;

 

Ta disidí:

 

Pa instruí gerensia i RvC di UTS ataves di gobièrnu di Kòrsou komo akshonista pa inisiá e proseso pa;

 

  1. Buska un partner stratégiko fuerte riba tereno di telekomunikashon pa UTS por

 

  1. Garantisá invershonnan nesesario i mantenshon di teknologia i

 

  1. Kalidat di servisio di telekomunikashon na bienestar di desaroyo ekonómiko i sosial di Kòrsou i Reportá esaki na Parlamento mas pronto posibel.

 

For di e karta di CFT fecha 25 di Sèptèmber 2018, nos di Parlamento tin komprondé ku Gabinete Rhuggenaath ta den proseso pa bende akshonnan di UTS pa haña sèn pa tapa buraku den presupuesto di Kòrsou

Nos kier pidi presidente di Parlamento pa invitá na e reunion aki Minister

Zita Jesus-Leito bou kual UTS ta resorta i tambe Minister di finansa sr. Kenneth Gijsberta pa ta presente pa di nan banda nan duna Parlamento i pueblo di Kòrsou un splikashon riba e intenshon di gobiernu pa bende patrimonio di pueblo pa kubri defisit riba presupuesto.

 

Atentamente,

Gerrit Schotte                          Gilmar Pisas                             Gilbert Doran

Charles Cooper                        Jacinta Constancia

 

==============================

 

Willemstad, 1 di òktober 2018

 

Na: Presidente di Parlamento

Señor  W. Millerson

Wilhelminaplein # 4

PRESENTE

 

Tópiko: Petishon pa reunion públiko ku punto di agènda, rapòrtnan di

   organisashonnan i reakshon di organisashonnan internashonal pa

   loke trata fayo den aktuashon humanitario di gobiernu pa loke ta trata

   derechi humano i e echo ku Kòrsou i Reino no ta karga su

   responsabilidat pa ku e situashon na Venezuela.

 

Sr. Presidente,

 

Suskritonan, miembronan di e frakshon di Movementu Futuro Kòrsou (MFK) den Parlamento, ta aserka bo persona ku e petishon konforme artíkulo 64 di Reglamento di Orden, pa tene un reunion públiko di Parlamento ku karakter di urgensia ku e punto di agènda ariba menshoná.

 

MFK ta lamentá posishon di Gobièrnu, ekspresá durante di un reunion di Komishon Sentral den Parlamento usando e lei LTU (lei di ekspulshon i atmishon) ku no ta haña sosten di Krus Kora di Hulanda tampoko.

 

Frakshon di MFK ta haña su mes obligá di yama un Reunion Públiko riba e tema aki pa asina Staten fiha su posishon ante gobièrnu di Kòrsou pa nos move dilanti den un koordinashon apropiá riba e tema aki.

 

Nos kier pidi presidente di Parlamento pa invitá na e reunion aki Minister Presidente Eugene Rhuggenaath enkargá ku relashon eksterior i Minister di Hustisia sr. Quincy Girigorie pa ta presente pa debatí ku Parlamento riba e tópiko.

 

Atentamente,

Gerrit Schotte                          Gilmar Pisas                             Gilbert Doran

Charles Cooper                        Jacinta Constancia

Advertisements
error: Content is protected !!
%d bloggers like this: